جاپونيا قازاقستاننان سيرەك كەزدەسەتىن مەتالدار كەنىن ىزدەيدى
ق ر ينۆەستيتسيالار جانە دامۋ ءمينيسترى اسەت يسەكەشيەۆ جاپونيانىڭ JOGMEG مۇناي، گاز جانە مەتالل جونىندەگى ۇلتتىق كومپانياسىنىڭ باسشىلىعىمەن كەزدەستى. كەزدەسۋ جاپونيانىڭ پرەمەر-ءمينيسترى سيندزو ابەنىڭ قازاقستانعا رەسمي ساپارى اياسىندا ءوتتى.
تاراپتار قازاقستاندا الدىن الا گەولوگيالىق زەرتتەۋلەر جۇرگىزۋ بويىنشا بىرلەسكەن جوباعا قاتىستى ماسەلەلەردى تالقىلادى.
«JOGMEG» پەن «قازگەولوگيا» گەولوگيالىق بارلاۋ كومپانياسى جۇمىستارىن كەلەسى جىلى كوكتەمدە قاراعاندى وبلىسىنىڭ قىزەمشەك جانە قوستاناي وبلىسىنىڭ جاڭاارقالىق يتتري كەنىشى ۋچاسكەسىندە باستايدى»، - دەلىنگەن ق ر ي د م حابارلاماسىندا.
سونىمەن قاتار، تاراپتار قازاقستاندا سيرەك كەزدەسەتىن مەتالداردى وڭدەۋ بويىنشا بىرلەسكەن جوبالاردى جۇزەگە اسىرۋ مۇمكىندىكتەرىن قاراستىرۋعا ۋاعدالاستى. بۇل ماسەلەنى جان-جاقتى تالقىلاۋ ءۇشىن كومپانيا دەڭگەيىندە جۇمىس توبى قۇرىلىپ، قوسىمشا كەزدەسۋ وتكىزىلەدى.
ق ر ي د م وتكەن كەزدەسۋ قورىتىندىسى بويىنشا جاپونيالىق JOGMEG كورپوراتسياسى مەن «قازگەولوگيا» ا ق پايدالى قازبالار سالاسىنداعى ءوزارا ىنتىماقتاستىق تۋرالى مەموراندۋمعا قول قويدى.
يندۋستريالاندىرۋ باعدارلاماسى اياسىندا گەولوگيا جانە جەر قويناۋىن پايدالانۋ سالاسىندا الەمدىك ءىرى كومپانيالاردىڭ قاتىسۋىمەن جوبالار قولعا الىندى. اتاپ ايتقاندا، اۆستراليا- بريتانيالىق كونتسەرن RioTinto، وڭتۇستىك كورەيالىق Korea Resources Corporation، اۆستراليالىق Iluka Resources Limited كومپانياسى مەن نەمىس ينۆەستيتسياسى Ulmus Fund جەكە قورىنىڭ قاتىسۋىمەن گەولوگيالىق بارلاۋ جۇمىستارى باستالدى.
