استاناداعى ۇلتتىق اكادەميالىق كىتاپحانادا «قازاق حانى ابىلاي» تاريحي رومانىنىڭ تۇساۋكەسەرى وتەدى

 استانا. قازاقپارات - 27 - قازاندا استانادا ق ر ۇلتتىق اكادەميالىق كىتاپحاناسىنىڭ «مىرزاتاي جولداسبەكوۆتىڭ مەموريالدىق كىتاپ كوللەكسياسى» زالىندا جازۋشى داۋلەتبەك قاڭباقوۆتىڭ «قازاق حانى ابىلاي» اتتى تاريحي رومانىنىڭ تۇساۋكەسەرى وتەدى،

 دەپ حابارلادى كىتاپحانانىڭ باسپا ءسوز قىزمەتى.

 كىتاپ قازاق حاندىعىنىڭ 550 جىلدىعىنا بايلانىستى باسپا بەتىن كورىپ وتىر. تاريحي تۋىندىدا ابىلاي حاننىڭ ءومىر جولى، قوعامدىق قىزمەتتەرى تۋرالى جان- جاقتى باياندالادى. تاريح بەدەرىندە نەبىر تار جول، تايعاق كەشۋدى باستان كەشكەن ۇلتىمىزدىڭ ۇلى پەرزەنتىنىڭ كوركەم بەينەسى ارقاۋ بولعان تاريحي روماننىڭ كوتەرەر جۇگى اۋىر.

 كىتاپ اۆتورى داۋلەتبەك قاڭباقوۆ 1942 - جىلى ق ح ر شىنجاڭ ولكەسى نىلقى ايماعىندا دۇنيەگە كەلگەن. قالامگەر «جاس قاراعاي»، «جىل لەبىزدەرى»، «قاينار كوز»، «مۇرالاردان ۇلاعات» ءتارىزدى كىتاپتارىمەن وقىرمان قاۋىم تانىس.

 «فوليانت» باسپاسىنان جارىق كورىپ وتىرعان جاڭا تۋىندىنىڭ تۇساۋكەسەرىنە ەلوردالىق زيالى قاۋىم وكىلدەرى، ادەبيەتشى- عالىمدار جانە كىتاپحانا وقىرماندارى قاتىسادى.