09:02, 27 - قازان 2015 | GMT +5
ەكىباستۇز تۇرعىنى قولدان ۇشاق قۇراستىرىپ الدى
استانا. قازاقپارات - ەكىباستۇز تۇرعىنى ءوزى قولدان قۇراستىرعان ۇشاقپەن ۇشىپ ءجۇر. بۇل تۋرالى Tengrinews TV جازادى.
ۆالەري جابين ۇشاعىن ەكى جىلدا قۇراستىرىپتى. ول - «قاينار» كەشەنىندە اۋە مودەل ۇيىرمەسىنىڭ جەتەكشىسى. ەندى وقۋشىلارى قالا ۇستىندە ۇشا الادى. الايدا، ۇشاق اۋەدە تەك 10 مينۋت ۋاقىت قالىقتايدى ەكەن. الاتىن بيىكتىگى 500 مەتر. بۇل اۋە كونسترۋكتورىنىڭ التىنشى مودەلى. ۇشاتىن اپپاراتتىڭ قوزعالتقىشىندا 80 اتتىڭ كۇشى بار. شەبەردىڭ ايتۋىنشا، جاڭا ۇشاق ۋلترا جەڭىلدىگىمەن ەرەكشە.
ۆالەري جابيننىڭ ايتۋىنشا، اپپاراتتى ول دەمەۋشىنىڭ كومەگىنسىز قۇراستىرىپتى. كونسترۋكتور ءوز ۇشاقتارىن سىناق رەتىندەگى ۇشۋى الدىندا تەكسەرسە، وقۋشىلارى ۇشۋ-قونۋ جولاعىن تازالايدى ەكەن.
