دۇنيەجۇزىلىك بانك قازاقستان رەفورمالارىن جوعارى باعالادى
دۇنيەجۇزىلىك بانكتىڭ ەۋروپا جانە ورتالىق ازيا ايماعى بويىنشا باس ەكونوميسى الەمدىك تۇراقسىزدىق جاعدايىندا قازاقستاننىڭ قولدانىپ وتىرعان شارالارى جونىندە ءسوز قوزعادى.
«ءوسىمنىڭ باياۋلاپ، سىرتقى ورتانىڭ ناشارلاۋى باسەكەگە قابىلەتتىلىكتى ارتتىرۋ ءۇشىن قازاقستاننىڭ ماكروەكونوميكالىق ساياساتىنىڭ تۇراقتىلىعىن نىعايتۋ جانە قۇرىلىمدىق رەفورمانى جۇزەگە اسىرۋدى جالعاستىرۋ قاجەتتىلىگىن كورسەتىپ وتىر»، - دەپ مالىمدەدى ح. تيممەر.
حانس تيممەر ينۆەستيتسيالاردىڭ گەوگرافيالىق باعىتتالۋىن «نۇرلى جول» باعدارلاماسى قولداپ وتىرعانى، ال بۇل كەدەيلىك دەڭگەيىنىڭ قىسقارىپ، جالپىعا ورتاق گۇلدەنۋگە ايتارلىقتاي سەپتىگىن تيگىزىپ وتىرعانىن اتاپ ءوتتى.
«بۇدان باسقا، سپيكەر قازىرگى كەزدە ىسكە اسىرىلىپ وتىرعان «100 ناقتى قادام» ۇلت جوسپارىنا باعا بەردى. «ءبىز «100 ناقتى قادام» ستراتەگياسىنا وڭ باعامىزدى بەرىپ وتىرمىز. بۇل بەس باعىتتى قولداۋ - مەملەكەتتىك قىزمەت ساپاسىن جاقسارتۋ، مەملەكەتتىك قىزمەتتەردىڭ اشىقتىعى، سونداي-اق بيزنەس- كليماتتى قۇرۋ. بۇل اتالعان جاعدايدا ومىرلىك ماڭىزى بار اسپەكتىلەر»، - دەدى ول.
تانىستىرىلىم سوڭىندا ح. تيممەر ۇلت جوسپارىنىڭ تابىسقا جەتۋ مۇمكىندىگى وتە جوعارى ەكەنىن قوسىپ ايتتى.
