ارنايى ۇيرەتىلگەن يتتەر ەسىرتكىنى قالت جىبەرمەيدى
ءيتتىڭ بۇل قىلىعى - «جۇرگىنشىنىڭ قالتاسىندا ەسىرتكى بار» دەگەن بەلگى.
شەكاراشىنىڭ ءتورت اياقتى كومەكشىسى بۇل جولى دا قاتەلەسپەپتى. اتالمىش ازاماتتىڭ سپورتتىق كۇرتەشەسىنىڭ قالتاسىنان 15 گرامم «ماريحۋانا» ەسىرتكىسى تابىلدى.
جالپى، ەسىرتكى تاسىمالىنىڭ جولىن كەسۋدە ارنايى ۇيرەتىلگەن يتتەردىڭ كومەگى ەرەكشە ەكەندىگىن اتاپ وتكەن ورىندى. وسى وڭىرلىك باسقارمانىڭ «سەمەي» باقىلاۋ- وتكىزۋ بەكەتىنىڭ «اۋىل - تەمىرجول» كولىكتىك شەكارالىق باقىلاۋ بولىمشەسىندە ۇستىمىزدەگى جىلدىڭ 25 -قازانى كۇنى ساعات 17.25 تە ءيىسشىل ءيت «الماتى - نوۆوسيبيرسك» باعىتى بويىنشا جۇرەتىن № 302 پويىزدىڭ اجەتحاناسىندا تىعىلعان 80 گرامم ماريحۋانانى تاۋىپ قانا قويماي، ۆاگوننان سول ەسىرتكىنىڭ يەسىن دە انىقتاپ بەردى. ول 1989 -جىلى تۋعان اندرەي ەسىمدى قازاقستان ازاماتى بولىپ شىقتى، دەپ حابارلايدى ق ر ۇ ق ك ش ق باسپا ءسوز قىزمەتى.
