15:55, 26 - قازان 2015 | GMT +5
رەسەي ازاماتى استانادا جاسوسپىرىمدەردى توناپ كەتتى
استانا. قازاقپارات - قاراعاندىدا رەسەي فەدەراتسياسىنىڭ 32 جاستاعى ازاماتى ۇستالدى، ول استانا اۋماعىندا ادامداردى توناعان، - دەپ حابارلايدى Tengrinews.kz ەلوردا ءى ءى د باسپا ءسوز قىزمەتىنە سىلتەمە جاساپ.
جەدەل-ىزدەستىرۋ شاراسى بارىسىندا استانا ءى ءى د ەسىل اۋداندىق ءى ءى ب كريمينالدىق پوليتسيا قىزمەتكەرلەرى ساۋدا ورتالىقتارىنىڭ ءبىرىنىڭ جانىندا التى ءجاسوسپىرىمنىڭ اقشاسى مەن ۇيالى تەلەفوندارىن اشىق تۇردە تارتىپ العان رەسەيدىڭ 32 جاستاعى ازاماتىنىڭ قاراعاندىدا ەكەنىن انىقتاپ، ۇستادى.
ول قىلمىس جاساعاننان كەيىن ءىز جاسىرۋ ماقساتىندا قاراعاندىعا اتتانىپ، ۇرلاعان زاتتارىن سول جاقتا ساتۋعا تىرىسقان.
بۇل دەرەك ق ر ق ك 191-بابى 1-بولىگىمەن سوتقا دەيىنگى ءبىرىڭعاي رەەسترگە تىركەلدى. شىعىننىڭ كولەمى شامامەن 600 مىڭ تەڭگە. كۇدىكتى استانا ءى ءى د ۋاقىتشا ۇستاۋ يزولياتورىندا وتىر. قازىرگى تاڭدا ونىڭ وزگە قىلمىستارعا قاتىسى تەكسەرىلىپ جاتىر.
