سەنات ءتوراعاسى ق. توقايەۆ الەمدە قانشا ادام كەدەيشىلىكتە ءومىر ءسۇرىپ جاتقانىن ايتتى
«بۇگىندە جەردەگى حالىقتىڭ 80 پايىزىندا ازىق-تۇلىك، جۇمىس جەتكىلىكسىز جانە ءومىر ءسۇرۋ ءۇشىن قالىپتى جاعدايلارعا مۇقتاج. ب ۇ ۇ مالىمەتتەرى بويىنشا 2014 -جىلى الەمدەگى جۇمىسسىزدار سانى 203 ميلليون ادامنان اسىپ ءتۇستى. 10 جىلدان كەيىن بۇل كورسەتكىش ايتارلىقتاي ارتىپ، 230 ميلليون ادامعا جەتۋى مۇمكىن. جۇمىس ىستەگەنىمەن، كۇنىنە 2 دوللاردان كەم تابىس تاباتىنداردىڭ سانى 840 ميلليون ادامدى قۇرادى. وسى ورايدا ءبىزدىڭ عالامشاردا 1 ميلليارد ادام جۇمىس ىستەمەيدى دەپ ايتۋعا بولادى، ياعني ولار كەدەيشىلىكتە ءومىر ءسۇرىپ جاتىر»، - دەدى سەنات ءتوراعاسى.
ونىڭ سوزىنە قاراعاندا، الەمدە سوڭعى ون جىلدىقتا اشىققان ادامدار 125 ميلليونعا ازايعانىمەن، بۇل كورسەتكىش ءالى دە جوعارى بولىپ وتىر. 795 ميلليون ادام تويىپ تاماق ىشە الماي وتىر.
بۇدان بولەك، ول الەمدەگى لاڭكەستىك پەن ەسىرتكى ساۋداسىنا ءتيىستى دەڭگەيدە توسقاۋىل قويىلماي وتىرعاندىعىنا الاڭداۋشىلىق ءبىلدىردى.
سونىمەن قاتار ب ۇ ۇ دەرەكتەرىنە قاراعاندا، قازىرگى كەزدە 750 ميلليوننان استام ادام تازا اۋىز سۋعا قول جەتكىزە الماي وتىر.
«2014 -جىلى بوسقىندار سانى 60 ميلليونعا جەتتى، ميگرانتتاردىڭ جالپى سانى 230 ميلليوننان اسىپ ءتۇستى. 2005 -جىلدان 2014 -جىل ارالىعىندا الەمدە 3400 ستيحيالىق اپات ورىن الىپ، وندا 750 مىڭ ادامنىڭ ءومىرى قيىلدى»، - دەدى ول.
اۆتور: رۋسلان عابباسوۆ
