ەلوردادا شەيح تاميم بەن حاماد ءال تاني اتىنداعى مەكتەپ قۇرىلىسى باستالادى

 دوحا. قازاقپارات - بيىل ەلوردادا شەيح تاميم بەن حاماد ءال تاني اتىنداعى مەكتەپ قۇرىلىسى باستالادى. سايكەسىنشە قۇجاتقا بۇگىن ەلباسى ن. نازاربايەۆتىڭ كاتار مەملەكەتىنە رەسمي ساپارى اياسىندا استانا قالاسى اكىمىنىڭ ورىنباسارى نۇرالى اليەۆ پەن كاتار ينۆەستيتسيالىق قورىنىڭ باس ديرەكتورى حاليفا جاسسيم ءال كۋۆاري قول قويدى.

«مەكتەپ قۇرىلىسىنا قاجەتتى ينۆەستيتسيانىڭ باسىم بولىگىن كاتار مەملەكەتى بەرىپ وتىر. وندا 20 مىڭنان استام بالا ءبىلىم الاتىن بولادى. مەكتەپ اۋماعى 3,7 مىڭ گەكتاردى قۇرايدى. قازىرگى ۋاقىتتا قۇرىلىس جۇرگىزىلەتىن الاڭدى استانا بيلىگى بەلگىلەپ قويعان. تاياۋ ارالىقتا، وسى جىلى ءبىز بۇل نىساننىڭ قۇرىلىسىن باستايتىن بولامىز. مەكتەپ عيماراتىنىڭ جوباسى بەلگىلەنگەننەن كەيىن جۇمىستار قولعا الىنادى. جوبا قۇنى 12,5 ميلليون دوللاردان استام»، - دەدى حاليفا جاسسيم ءال كۋۆاري.

 اۆتور: مارلان جيەمباي