احمەتوۆ ءىسى: قاراعاندى يندۋستريالدىق پاركىنىڭ نىساندارى مەملەكەتتىك ساراپتاما قورىتىندىسىنسىز سالىنعان
قاراعاندى يندۋستريالدىق پاركىنىڭ ينفراقۇرىلىمدىق نىساندارىن سالۋ كەزىندە بيۋدجەت قاراجاتىن جىمقىرۋ تۋرالى ەپيزودىن قاراۋ بارىسىندا سوتتا « مەملەكەتتىك ساراپتاما» ر م ك ساراپشىسى تاتيانا تۋمانوۆا ءسوز سويلەدى.
ەسكە سالساق، بۇدان بۇرىن سوت وتىرىسى بارىسىندا ءىس بويىنشا ايىپتالۋشىلاردىڭ ءبىرى - قازاقستان ونەركاسىپتىك كورپوراتسياسى باس ديرەكتورىنىڭ ورىنباسارى ءالجان اقمولدايەۆ كۋاگەر رەتىندە ءسوز سويلەپ، سەرىك احمەتوۆتىڭ قامقورلىعى ارقاسىندا ونىڭ كومانداسى قاراعاندى يندۋستريالدىق پاركىندە ينفراقۇرىلىمدىق نىسانداردى سالۋعا ءتيىمدى قوسالقى مەردىگەرلىك العانىن ايتقان.
ودان ءارى قازاقستان ونەركاسىپتىك كورپوراتسياسىنا كىرەتىن «سەنترستروي- كومپلەكت ن س» ج ش س تۇرمىستىق قالدىقتاردى تازالاۋ ستانساسىنىڭ تەحنولوگيالىق جابدىقتارىن اۋىستىرۋعا باستاماشىلىق ەتكەن.
«تۇزەتۋ نەگىزىنەن جوبانىڭ تەحنولوگيالىق بولىگىن قامتىدى. باستاپقىدا «USB» اعىن سۋلارىن تازالاۋ تەحنولوگياسى قابىلدانعان. جوبانى «ساۋلەت» ج ش س ورىندادى. سوسىن جاڭا جوبالاۋشىلار كەلدى، بىزدە سول شارۋاشىلىق-تۇرمىستىق اعىن سۋدى تازالاۋ تەحنولوگياسى وزگەرگەن بولىپ شىقتى. ولار مۇنى جابدىقتىڭ چەحيالىق جابدىققا ۇقساستىعىمەن، «USB گە» قاراعاندا، شىعىننىڭ بارىنشا تومەن بولاتىندىعىمەن ءتۇسىندىردى»، - دەدى ت. تۇمانوۆا.
سول ۋاقىتتا ولارعا ۋاكىلەتتى ورگاننان قوڭىراۋ شالىپ، وعان ساراپتاماعا جارتىلاي سالىنىپ قويعان نىسان بويىنشا ماتەريال ۇسىنىلعانىن حابارلادى. «مەنەن «ءسىز نىساننىڭ باسىم بولىگى سالىنىپ، پايدالانۋعا ەنگىزىلگەنىن بىلەسىز بە، ورىندالعان جۇمىس اكتىسى بار ما؟» دەپ سۇرادى.
الايدا بىزگە بۇل تۋرالى ەشكىم ايتقان جوق. مەن تۇسىنىكتەمە جازدىم. وندا نىسان جۇمىستارى اياقتالعانىن بىلمەيتىنىمدى دە جازدىم. ارتىنشا قارجى پوليتسياسى كەلىپ، بارلىق قۇجاتتامانى تاركىلەدى»، - دەدى تۇمانوۆا.
ايتا كەتەيىك، بيۋدجەت قاراجاتى ەسەبىنەن ق ر- دا ينفراقۇرىلىم نىساندارىن سالۋعا نەگىز مەملەكەتتىك ساراپتاما بەكىتكەن جوبالىق قۇجاتتاما بولىپ تابىلادى. ول بولماعان جاعدايدا قۇرىلىس زاڭسىز دەپ تانىلادى.
