قىتاي مەن ۇلى بريتانيا: عالامدىق ارىپتەستىك
مىنا كەسكىندە قىتاي باسشىسىنىڭ قۇرمەتىنە بۋكەنگەم سارايىندا بەرىلگەن قوناقاسى بەينەلەنگەن. ارينە، ۇلى بريتانيا پاتشايىمى ەليزاۆەتا Ⅱ«التىن» دەپ تىم لەپىرمەيدى، الايدا «ەكى مەملەكەتتىڭ عالامدىق ارىپتەستىگى باستالدى» دەپ، مازمۇنىنىڭ تەرەڭدىگىنە نۇسقايدى.
جالپى، بريتان ۇكىمەتى «قىتايدىڭ جەتەگىندە كەتتى، ءبۇرىسىپ قالعان كۇشىككە ۇقساپ» دەگەن ايىپتاردى جوققا شىعارىپ، «قىتايمەن تىعىز بايلانىس ورناتامىز، «كوزىمىزدى اشىپ قاراپ» دەپ جاۋاپ بەرگەندى. بريتانيا ۇكىمەتى قىتايمەن ساۋدا جانە ينۆەستيتسيالىق كەلىسىم- شارتتارعا وتىردى. جالپى قۇنى 30 ميلليارد فۋنت ستەرلينگ! بۇل 46,4 ميلليارد دوللار. سول كەلىسىمدەردىڭ ارقاسىندا 4 مىڭ جۇمىس ورنىن اشپاق. سونىمەن بىرگە انگلياداعى 3 اتوم ەلەكتر ستانسياسىنىڭ قۇرىلىستارىنا قىتايدىڭ ەكى ءىرى ونەركاسىپ توبى قاتىسادى.
«كۇشىك» پەن «كوزىمىزدى اشىپ قاراپ، بايلانىس ورناتامىزدىڭ» تارازىسىن سالماقتاۋ قيىن ەمەس... قىتاي ۇلى بريتانيا پاتشالىعىن ارينە، «كۇشىك» ەتە المايدى. الايدا تىلىندە بۇكىل دۇنيە ءجۇزى سويلەيتىن پاتشالىق قىتايدىڭ عالامداعى ورنىنا «كوزىن جۇمىپ» وتىرا المايدى. ولارمەن بارلىعى «دوس» بولعىسى كەلەدى...
«استانا» ارناسى
