ليموننىڭ تەرىگە پايداسى قانداي؟
- تازا ليمون شىرىنىمەن بەتتىڭ جانە قولدىڭ تەرىسىن سۇرتەدى. ول داقتى كەتىرۋگە كومەكتەسەدى؛
- ەگەر ليموننىڭ شىرىنىن وكشەگە، تىزەگە، شىنتاققا جاقساڭىز، قاتايعان تەرىنى كەتىرۋ اناعۇرلىم جەڭىلدەيدى؛
- قولدىڭ تەرىسىن جۇمسارتۋ ءۇشىن ءيىسسۋ مەن كوسمەتيكا ءسۇتىن ارالاستىرىپ، ۇيىقتار الدىندا قولعا جاعىپ جاتۋ كەرەك. ءبىرىنشى كۇنى- اق قولىڭىز جۇپ- جۇمساق بولىپ شىعا كەلەدى؛
- ەگەر قولىڭىز جارىلىپ كەتسە، تەرىڭىز قاتايسا، جەتىسىنە ءبىر رەت مىنا پروتسەدۋرالاردى جاساۋ كەرەك: ەكى اس قاسىق تولى ليمون شىرىنىن، ءتورت اس قاسىق تولى قۇرعاق ءسۇت جانە التى اس قاسىق تولى ۇن (سۇلى، بيداي، كۇرىش، ارپا ۇنى) قوسىپ جاسالعان قوسپاعا قولىڭىزدى ون مينۋت باتىرىپ وتىرۋ كەرەك؛
- مانيكيۋر جاسار الدىندا ساۋساقتاردى باتىراتىن جىلى سۋعا كىشكەنە عانا ليمون شىرىنىن قوسسا، تەرى جۇمسارىپ جاقسى الىنادى؛
- ەگەر تىرناقتارىڭىز ءجيى سىنعىش بولسا، ليمون شىرىنى مەن زايتۇن مايىن قوسىپ جاساعان سۇيىق زاتپەن ماسساج جاساۋ كەرەك؛
- جۇمىرتقا مەن ليموننان جاسالعان ماسكا شاشقا وتە پايدالى: ەكى جۇمىرتقانىڭ سارىسىن الىپ، وعان جارتى ليموننىڭ شىرىنىن ارالاستىرىپ، بار بولسا بىرنەشە تامشى قوسۋعا بولادى. وسىنى جۋىلعان شاشقا جەتىسىنە ەكى رەت جاعادى. جىلى سۋمەن شايقاعاننان كەيىن ازداعان سۋسابىنمەن جۋسا، شاش جۇمسارادى، ءوڭى اشىلىپ، ءتۇسۋى توقتالادى؛
- ليموننىڭ تازا شىرىنىمەن اياققا ماسساج جاساۋ كەرەك. سودان كەيىن سۋعا سالىپ، وعان ليموننىڭ شىرىنىن قوسادى. سۋ ابدەن سۋىعاننان كەيىن تازا سۋمەن اياقتى جۋۋ كەرەك. مۇنداي پروتسەدۋرا وتە پايدالى. اياقتىڭ قان اينالىسىن جاقسارتىپ، شارشاعانىن باسادى، دەپ جازادى massaget.kz.
