بوكس: پاكياو ءساۋىر ايىندا سوڭعى جەكپە-جەگىن وتكىزەدى

استانا. قازاقپارات - ايگىلى فيلليپپين بوكسشىسى مەنني پاكياو 2016-جىلدىڭ 9- ساۋىرىندە رينگكە سوڭعى رەت شىعاتىنىن مالىمدەدى.

وسىعان دەيىن 36 جاستاعى پاكياو سپورتتاعى مانسابىن اياقتاپ، ساياساتپەن اينالىسۋعا بەت بۇراتىنىن ايتقان ەدى. سپورتشىنىڭ پروموۋتەرى بوب ارۋمنىڭ ايتۋىنشا، پاكياونى مامىر ايىنىڭ ورتاسىندا فيلليپپين سەناتىنا سايلاۋعا تۇسپەك.

پاكياونىڭ الداعى جەكپە-جەگىندە كىمنىڭ قارسىلاس بولاتىنى ازىرگە بەلگىسىز.

نەگىزگى قارسىلاستار قاتارىندا امەريكالىق تەرەنس كروۋفورد (27 جەڭىس، 0 جەڭىلىس) جانە بريتاندىق امير حان (31 جەڭىس، 3 جەڭىلىس) بار. ال پاكياونىڭ ءوزى كاسىبي رينگتە 57 رەت جەڭىسكە جەتكەن. ونىڭ 38 ءى نوكاۋتپەن اياقتالسا، التاۋىندا جەڭىلىپ، 2 جەكپە-جەك تەڭ اياقتالعان.