08:23, 26 - قازان 2015 | GMT +5
اقمولا وبلىسىنىڭ بالۋانى ا. عاسىموۆ قازاقستان چەمپيونى اتاندى - فوتو
كوكشەتاۋ. قازاقپارات - اقمولا وبلىسىنىڭ نامىسىن قورعاعان ازيز عاسىموۆ گرەك-ريم كۇرەسىنەن ق ر چەمپيوناتىندا 35 كەلى سالماق دارەجەسى بويىنشا ونەر كورسەتىپ، التىن مەدالدى قانجىعاسىنا بايلادى.
اقمولا وبلىسىنىڭ جاقسى اۋدانىندا 2001-2003-جىلى تۋعاندار جاستار اراسىنداعى گرەك-ريم كۇرەسىنەن قازاقستان چەمپيوناتى ءوتتى، دەپ حابارلايدى وبلىستىق ىشكى ساياسات باسقارماسىنان.
چەمپيونات قوناقتارىنىڭ اراسىندا سپورت قايراتكەرلەرى، ونىڭ ىشىندە ق ر ەڭبەگى سىڭگەن جاتتىقتىرۋشىسى مەيىرحان راحمەتوۆ، ق ر كادەتتەر اراسىنداعى اعا جاتتىقتىرۋشى ەۆگەني سوروكين، 2009-جىلى جاستار اراسىنداعى الەم چەمپيونى ايدىن سارسەكەيەۆ، ق ر ەڭبەگى سىڭگەن جاتتىقتىرۋشىسى قۋانىش مۇحامبەتوۆ جانە حالىقارالىق كلاستاعى تورەشى مەيرامبەك مۇسايەۆ بار.
جارىسقا قازاقستاننىڭ تۇكپىر-تۇكپىرىنەن كەلگەن 256 بالۋان قاتىستى. جارىستا 35 كەلى سالماق دارەجەسى بويىنشا بەلدەسكەن اقمولا وبلىسىنىڭ سپورتشىسى ازيز عاسىموۆ التىن مەدال يەلەندى.
