عارىشتاعى بوس ۋاقىتىمىزدا بەتمەن سياقتى «ۇشىپ وينادىق» - ا. ايىمبەتوۆ
بۇل تۋرالى ق ر قارۋلى كۇشتەرى اۋە- قورعانىس كۇشتەرىندە وتكەن كەزدەسۋ بارىسىندا جاس ۇشقىشتاردىڭ سۇراعىنا جاۋاپ بەرە وتىرىپ، حالىق قاھارمانى ايدىن ايىمبەتوۆ ايتىپ بەردى.
«حالىقارالىق عارىش ستانساسىنداعى جۇمىسىمىزدىڭ بارلىعى شتاتتىق كەستەگە ساي ءجۇردى. كەيىن، بوس ۋاقىتىمىز بولعاندا، جۇمىستىڭ بارلىعىن اياقتاعان سوڭ عاجايىپ دۇنيەگە تاڭ قالا، بالاشا قۋاندىق. ءتىپتى، تەڭسىزدىكتە بەتمەن سياقتى ۇشۋدى ۇيرەندىك، ءمودۋلدىڭ جان- جاعىن بەلگىلەپ الىپ، كىم بيىكتىك پەن تەڭسىزدىكتى يگەرە، ءتۇزۋ ۇشىپ شىعاتىنىن كوردىك. عارىش، ارينە، عاجايىپتارعا تولى»، - دەيدى ا. ايىمبەتوۆ.
«بۇرىن ۇشقان عارىشكەرلەر جەر - ەڭ عاجايىپ جاراتىلىس دەگەندە، اسىرا سىلتەپ وتىرعان شىعار دەپ ويلايتىنمىن، - دەيدى عارىشكەر. - ءبىراق ءوز كوزىممەن كوردىم عوي، بورت يلليۋميناتورىنان قاراعانداعى جەر شارىنىڭ كورىنىسى ءسوز جەتپەس عاجايىپ».
ەستەرىڭىزگە سالا كەتەيىك، ايدىن ايىمبەتوۆ - تاۋەلسىز قازاقستان رەسپۋبليكاسىنىڭ عارىشقا ۇشقان العاشقى ازاماتى، كوسموستى كورگەن الەمدەگى 545- عارىشكەر.
