تەڭىز كەنىشىندە كۇكىرت قورى قالعان جوق
«كوپ جىلدار بويى ءبىز تەڭىزگە ۇيىلگەن كۇكىرت تاۋلارىن كورىپ كەلدىك. 2006 - جىلى ونىڭ اشىق الاڭداردا ساقتالعان قورى 9 ميلليون توننادان اسىپ، ايماق تۇرعىندارىنىڭ الاڭداۋشىلىعىن تۋعىزدى. ءبىزدىڭ ءبىرىمىز دە بۇل قوردى اكەتىپ تاۋىسا المايتىنداي كوردىك. ءبىراقتا ت ش و- نىڭ جانە مەردىگەرلىك ۇيىمداردىڭ شالىمدى جۇمىستارى مەن ويداعىداي جۇزەگە اسىرىلعان جوبالاردىڭ ناتيجەسىندە ءبىز كۇكىرتتىڭ سوڭعى توننالارىن تيەپ جونەلتتىك»، - دەدى ق ر ەنەرگەتيكا ۆيتسە- ءمينيسترى ۇزاقباي قارابالين.
«جوبانىڭ ويداعىداي ورىندالۋىن قامتاماسىز ەتكەن ت ش و- نىڭ ماركەتينگ جانە تاسىمالداۋ ءبولىمىنىڭ، وندىرىستىك ءبولىمىنىڭ، سونداي- اق «اريادنا» ج ش س مەن «دەنحولم جولداس» ج ش س مەردىگەرلەرىنىڭ جۇمىسىن اتاپ وتكىم كەلەدى. ولاردىڭ قارقىندى جۇمىسىنىڭ ارقاسىندا قازاقستان كۇكىرتتى ءىرى جەتكىزۋشىلەردىڭ وندىعىنا كىردى»، - دەپ اتاپ كورسەتتى ت ش و باس ديرەكتورى تيم ميللەر.
قازىرگى كەزدە تەڭىزدە تاۋلىگىنە 6 مىڭ توننادان استام جيىنتىق قۋاتى بار كۇكىرتتى تۇيىرشىكتەيتىن بەس قوندىرعى پايدالانىلۋدا. ولار كەنىشتەن قۇرامىندا 13 پايىز كۇكىرتتى سۋتەگى بار مۇنايدى ءوندىرۋ ۇدەرىسىندە الىنعان كۇكىرتتى تولىق وڭدەۋدى قامتاماسىز ەتەدى.
