بەكون مەن سوسيسكالاردى جەۋ وبىرعا اكەلىپ سوقتىرادى

استانا. قازاقپارات - دۇنيەجۇزىلىك دەنساۋلىق ساقتاۋ ۇيىمى بەكون، سوسيسكالار جانە وڭدەلگەن ەتتىڭ وزگە دە تۇرلەرىن وبىرعا اكەلەتىن ازىق- تۇلىكتەر تىزىمىنە كىرگىزبەكشى.

  د د س ۇ  ءتيىستى مالىمدەمەنى 26 - قازاندا جاساماقشى، دەپ جازادى دەرەككوزدەرگە سىلتەمە جاساعان The Independent.

قىزىل ەتتىڭ دە كانسەروگەندى ازىق- تۇلىكتەر تىزىمىنە كىرەتىنى كۇتىلىپ وتىر. ۇلى بريتانيانىڭ دەنساۋلىق ساقتاۋ مەملەكەتتىك قىزمەتىنىڭ سايتىندا قىزىل نەمەسە قايتا وڭدەلگەن ەتتى جەۋ ىشەك وبىرى دەرتىنىڭ پايدا بولۋ قاۋپىن وسىرەتىنى اتاپ وتىلەدى.

«ەتتى كوپ جەيتىن ادامدار ءۇشىن ونى از جەيتىندەرگە قاراعاندا ىشەك وبىرى دەرتىنە شالدىعۋدىڭ قاۋپى ۇلكەن»، - دەپ اتاپ وتەدى ۆەدومستۆودان.

 بۇل رەتتە سيىر، قوي ەتىنىڭ «پايدالى ەمدامنىڭ ءبىر بولىگى بولا الاتىنى» جانە قىزىل ەتتىڭ «قۇرامىندا اقۋىزى مول، تەمىر جانە سينك سياقتى دارۋمەندەر جانە مينەرالدارمەن قامتاماسىز ەتەتىنى» جوققا شىعارىلىپ وتىرعان جوق.