باتىس قازاقستاندىق ارداگەر سپورتشى الەم چەمپيوناتىنان كۇمىس جۇلدەمەن ورالدى

ورال. قازاقپارات - افينى قالاسىندا گرەك-ريم كۇرەسىنەن ارداگەر سپورت شەبەرلەرى اراسىندا وتكەن الەم چەمپيوناتىندا باتىسق ازاقستاندىق ناريمان قايىرمانوۆ كۇمىس جۇلدەنى جەڭىپ الدى.

ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، اتالعان جارىسقا الەمنىڭ 40 ەلىنەن بالۋاندار قاتىستى.

ناريمان 41-45 جاس ارالىعىنداعىلارمەن 69 كەلى سالماق دارەجەسىندە كۇش سىناستى. ول الدىمەن سلوۆاك سپورتشىسىن 8:0، سوسىن گرەك بالۋانىن 8:2 ەسەبىمەن ۇتتى. تەك فينالدا عانا تاعى ءبىر گرەك سپورتشىسىنا 3:5 ەسەبىمەن ەسە جىبەردى. بۇل سالماق دارەجەسىندە بارلىعى 11 بالۋان بەلدەستى.

ايتا كەتەيىك، ناريمان قايىرمانوۆ - گرەك-ريم كۇرەسىنەن ارداگەر سپورتشىلار اراسىندا الەم چەمپيوناتىنىڭ بەس مارتە جۇلدەگەرى.

اۆتور: ەلجان ەرالى