قوستانايدا ءۇش بالاسىنان «تىرىدەي» ايىرىلىعان انا ءۇش جىلدان سوڭ قايتا تابىستى
وسىدان ءۇش جىل بۇرىن ءۇش بالاسىنا قاتىستى اتا-انالىق قۇقىعىنان ايىرىلعان ايەل قايتادان انالىق باقىتقا يە بولدى. سوت ونىڭ 2004، 2005 جانە 2007 -جىلدارى تۋىلعان بالالارىنا قاتىستى اتا-انالىق قۇقىعىن قالپىنا كەلتىردى، دەپ جازادى وبلىستىق سوتتىڭ باسپا ءسوز قىزمەتىنەن.
ازاماتشا قازىر ىشىمدىك ىشپەيتىنىن، جۇمىس جاساپ، بالالارىنىڭ وزىمەن بىرگە تۇرىپ جاتقانىن ايتقان. سوتتا ونىڭ ۇلكەن قىزى اناسىنىڭ بالالارعا دەگەن قۇقىعىنىڭ قالپىنا كەلتىرىلۋىن قالايتىندىعىن، سەبەبى ونىڭ تۇزەلگەنىن، كىشى ءىنىسى مەن سىڭىلسىنە قامقور ەكەندىگىن ايتقان. بالالار ونى جاقسى كورەدى جانە بىرگە تۇرۋدى قالايدى.
بۇعان دەيىن كامەلەتتىك جاسقا تولماعان بالالاردىڭ قورعانشىسى بولعان اجەلەرى دە قىزىنىڭ ءتۇزۋ جولعا تۇسكەنىن، ءبارىن تۇسىنگەنىن جانە دە ىشىمدىكتى قويىپ جۇمىس ىستەيتىندىگىن، جاقسى انا بولۋعا تىرىسىپ جۇرگەندىگىن ايتقان.
قورعانشىلىق جانە قامقورشىلىق ورگانىنىڭ وكىلى سوتتا ازاماتشانىڭ ءومىر ءسۇرۋ سالتىن تۇپكىلىكتى وزگەرتكەندىگىن ايتىپ، ونىڭ اتا-انالىق قۇقىعىن قالپىنا كەلتىرۋگە قارسىلىق بىلدىرگەن جوق.
