شوردىن بالالارى دومبىرا ۇيرەنىپ ءجۇر

استانا. قازاقپارات - دومبرا شوررەسەيدىڭ كەمەروۆ وبلىسىندا شور دەگەن تۇركى حالقى بار.

سانى شامامەن ون بەس مىڭ. ك س ر و جويىلعاننان كەيىن ولاردا ءوز ۇلتىن جاڭعىرتۋ ءۇشىن ءبىراز مۇمكىندىك پايدا بولدى.

ۇلتتىق ءداستۇرلى مۋزىكانىڭ جويىلىپ كەتپەسى ءۇشىن تانىمال شور ءانشىسى چىلتىس تانناگاشەۆا مىسكي دەگەن قالادا بالالارعا ارناپ وقۋ ستۋدياسىن اشتى. وندا كاي-كومۋس دەپ اتالاتىن دومبىراعا ۇقساس شوردىڭ اسپابىن تارتۋعا ۇيرەتەدى.

ءبىراق كاي-كومۋس اسپابى وتە ۇزىن بولعاندىقتان بالالاردىڭ شەرتۋىنە ىڭعايسىز. چىلتىس ءوز ۇستازدىق جولىندا وسىنداي پروبلەماعا تاپ بولدى. ءبىراق كوپ ويلانباي اق تىعىرىقتان شىعۋدىڭ جولىن تاپتى. بالالارعا ءداستۇرلى مۋزىكانى دومبىرامەن ۇيرەتە باستادى. ويتكەنى كاي-كومۋس پەن دومبىرانىڭ ايىرماشىلىعى جوقتىڭ قاسى. ەكەۋى دە ەكى شەكتى، تارتىلۋ تەحنيكاسى دا، ءۇنى دە بىردەي. تەك كاي-كومۋس دومبىرادان ۇزىن.

 - شور مەن قازاقتىڭ ۇلتتىق مۋزىكالىق اسپاپتارىن ۇيرەنۋ تاسىلدەرى دە بىردەي. ساۋساقتاردى بەيىمدەۋ مەن وڭ قولمەن شەرتۋگە ماشىقتانۋدان باستالادى، - دەيدى چىلتىس.

ازىرگە چىلتىس ءبىر عانا دومبىرامەن جۇمىس ىستەپ جاتىر. ونى قازاقستانعا گاسترولدىك ساپارىمەن كەلگەندە سەرعالى دەگەن سەمەيلىك دومبىراشى سىيعا تارتقان ەكەن.



turk-media.info