شىمكەنتتە كەيۋانا ءوز ۇيىنەن اداسىپ ءجۇر

شىمكەنت. قازاقپارات - شىمكەنتتە قارت كىسى اداسىپ كەتتى. وقيعا كۇندىز بولعان، دەپ حابارلايدى otyrar.kz.

جاسى 65-70 شاماسىنداعى كەيۋانانى تورەقۇلوۆ كوشەسىنىڭ تۇرعىندارى بايقاپ قالعان.

ءوز اتىن ەسىنە تۇسىرە الماي تۇرعان بۇل قاريا ۇيىنەن اداسىپ كەتىپتى. بار بىلەتىنى، شاشتارازعا بارىپ، شاشىن قىسقارتقان. ودان كەيىن سىرتقا شىققاندا ءۇيىن ۇمىتىپ قالعان بولۋى مۇمكىن. جاقىن ماڭداعى ۇيلەردىڭ ءبىرىنىڭ قاقپاسىن قاعادى.

ابىروي بولعاندا، كوشە تۇرعىندارى اجەيدەن شوشىنباي، جاناشىرلىق تانىتىپتى. ۇيلەرىنە كىرگىزىپ، ءشاي بەرگەن. سودان كەيىن ولار پوليتسياعا حابارلاستى.