04:26, 24 - قازان 2015 | GMT +5
شىمكەنتتە ۋچاسكەلىك ءتارتىپ ساقشىسى سوققىعا جىعىلدى
شىمكەنت. قازاقپارات - وقيعا كۇنى كەشە شاڭقاي تۇستە تىركەلگەن.
شىمكەنتتەگى تەلمان بولىمشەسىندەگى سارسەنبايەۆ كوشەسىنىڭ تۇرعىنىنىڭ ۇستىنەن ارىز تۇسكەن. وسى اۋداننىڭ ۋچاسكەلىك ينسپەكتورى بالاعاتتاعان ازاماتتى ارىزبەن تانىستىرۋعا كەلگەن.
ۇستىنەن ارىز تۇسكەن ازامات سوتقا بارمايمىن دەپ، ءتارتىپ ساقشىسىنا قارسىلىق تانىتقان. وعان كومەككە ۇيىنەن تۋىستارى شىعادى. اكەسى مەن ەكى بالاسى ينسپەكتوردىڭ شەن بەلگىلەرىن جۇلىپ، دەنە جاراقاتىن سالعان.
ۋچاسكەلىك ينسپەكتوردىڭ جەكەمەنشىك اۆتوكولىگىن قۇقىق بۇزۋشىلار تاسپەن ۇرىپ، اينەكتەرىن قيراتقان. تاياق جەگەن ءتارتىپ ساقشىسىن جەدەل جاردەم بريگاداسى اۋرۋحاناعا الىپ كەتتى. قازىر ينسپەكتورعا قول كوتەرگەن ءۇش ازامات ۇستالىپتى. بۇل تۋرالى ىشكى ىستەر دەپارتامەنتىنىڭ باسپا ءسوز قىزمەتىنىڭ ماماندارى مالىمدەپ وتىر، دەپ حابارلايدى otyrar.kz.
