شىمكەنتتە «پاراساتتى پوليتسەي» رەسپۋبليكالىق بايقاۋى مارەگە جەتتى - فوتو
پوليتسەيلەر مەملەكەتتىك ءتىل جونىندەگى ءبىلىمىن ورتاعا سالدى. بۇل جولعى سايىستا ەلىمىزدىڭ تۇكپىر- تۇكپىرىنەن جينالعان، ءتۇرلى ۇلت وكىلدەرىنەن قۇرالعان جالپى سانى 100 دەن استام ءتارتىپ ساقشىلارىنىڭ 20 كومانداسى باق سىناستى.
مەملەكەتتىك ءتىل جونىندەگى ءبىلىم جارىسىنىڭ ماقساتى - ءتارتىپ ساقشىلارى اراسىندا پاتريوتيزمدى ناسيحاتتاۋ جانە قازاق ءتىلىنىڭ قولدانۋ اياسىن كەڭەيتۋ.
«پاراساتتى پوليتسەي» رەسپۋبليكالىق بايقاۋى بيىل التىنشى رەت ءوتىپ وتىر. ول ىشكى ىستەر سالاسىندا از جىلداردىڭ وزىندە تانىمال، بەدەلدى شاراعا اينالدى، ونداعى جەڭىستىڭ دە سالماعى باسىم سانالادى.
بايقاۋ ناتيجەسىندە ءادىلقازىلار القاسىنىڭ شەشىمىمەن ءبىرىنشى ورىندى سولتۇستىك قازاقستان وبلىستىق ىشكى ىستەر دەپارمامەنتىنىڭ «15- ءوڭىر» كومانداسى جەڭىپ الدى. ەكىنشى ورىندى اقتوبە وبلىستىق ىشكى ىستەر دەپارتامەنتىنىڭ «سەرت بەرەمىز» كومانداسى، ال ءۇشىنشى ورىندى شىعىس قازاقستان وبلىستىق ىشكى ىستەر دەپارتامەنتىنىڭ «ۇلى دالا ۇلاندارى» كوماندالارى يەلەندى.
بايقاۋ قورىتىندىسىندا شاراعا قاتىسقان كوماندالاردى وزگە دە اتالىمدار بويىنشا ماراپاتتادى، ولار:
«كورەرمەن كوزايىمى» نوميناتسياسىن - شىعىس قازاقستان وبلىستىق ىشكى ىستەر دەپارتامەنتىنىڭ «بىرلىگىمىز جاراسقان» كومانداسى؛
«ۇيىمشىل كوماندا» نوميناتسياسىن - ماڭعىستاۋ وبلىستىق ىشكى ىستەر دەپارتامەنتىنىڭ «كاسپي قىراندارى» كومانداسى؛
«تاپقىر كوماندا» نوميناتسياسىن - قوستاناي وبلىستىق ىشكى ىستەر دەپارتامەنتىنىڭ ء«ۇش باقىتىم» كومانداسى؛
«ونەرلى كوماندا» نوميناتسياسىن - جامبىل وبلىستىق ىشكى ىستەر دەپارتامەنتىنىڭ «تاراز قىراندارى» كومانداسى؛
«تىلەگى مەن ءتىلى ءبىر» نوميناتسياسىن - پاۆلودار وبلىستىق ىشكى ىستەر دەپارتامەنتىنىڭ «ەرتىس ساقشىلارى» كومانداسى.
«پاراساتتى پوليتسەي» بايقاۋىندا جۇلدەلى ورىنداردى يەمدەنگەن ۇزدىك كوماندالار ءتۇرلى نوميناتسيالارمەن، كۋبوكتارمەن، گراموتالارمەن جانە باعالى سىيلىقتارمەن ماراپاتتالدى.
سايىس سوڭى وبلىستىق ەسترادا جۇلدىزدارىنىڭ قاتىسۋىمەن وتەتىن كونتسەرتتىك باعدارلاماعا ۇلاستى. ال «پاراساتتى پوليتسەي» رەسپۋبليكالىق بايقاۋىنىڭ كوشپەلى نىشانىن و ق و ءى ءى د- ءنىڭ باستىعى ا. وسپانوۆ اقتوبە وبلىستىق ىشكى ىستەر دەپارتامەنتىنىڭ وكىلىنە تابىستادى. كەلەسى، ياعني 2016 -جىلى «پراساتتى پوليتسەي» بايقاۋى اقتوبە قالاسىندا وتەتىن بولادى.
