قىرعىزستاندا قاشقان قىلمىسكەردى ۇستاۋ كەزىندە ەكى ادام مەن ارنايى جاساقتىڭ ءبىر ساربازى قازا تاپتى

استانا. قازاقپارات - 12 -قازاندا سيزو-50 دەن قاشقان اسا قاۋىپتى قىلمىسكەر التىنبەك يتىبايەۆتى بىشكەكتە ۇستاۋ كەزىندە ەلدىڭ ءى ءى م ارنايى جەدەل ارەكەت ەتۋ جاساعىنىڭ ءبىر ساربازى مەن ەكى بەيبىت تۇرعىن قازا تاپتى.

«ينتەرفاكسكە» ۆەدومستۆونىڭ باسپا ءسوز قىزمەتىنەن حابارلاعانداي، تەرروريستىك ۇيىم مۇشەسى يتىبايەۆتى ۇستاۋ ءۇشىن ءىىم ارنايى قۇرىلىمدارىنىڭ كۇشىمەن قىلمىسكەر جاسىرىنعان «دوستىق» شاعىناۋدانىنداعى ءۇيدى قورشاۋعا الۋ شەشىمى قابىلداندى.

«ارنايى شارا كەزىندە قىلمىسكەر قارۋمەن قاتتى قارسىلىق كورسەتتى. ارنايى جاساق ساربازدارى اسا اۋىر قىلمىسكەردى ءولتىردى»، - دەپ اتاپ ءوتتى باسپا ءسوز قىزمەتىندە.

شارا بارىسىندا قىرعىزستان ءى ءى م ارنايى جەدەل ارەكەت ەتۋ جاساعىنىڭ ءبىر ساربازى مەن كورشى پاتەردە تۇرعان ەكى ازامات كوز جۇمدى.

يتىبايەۆ - 12 -قازاندا سيزو ي ك №50 تۇرمەسىنەن قاشقان 9 قىلمىسكەردىڭ ءبىرى. ولار قاشقاندا كولونيانىڭ ءۇش قىزمەتكەرىن ءولتىرىپ كەتتى، تاعى ءبىرى الىنعان جاراقاتتار سالدارىنان ءۇش كۇننەن كەيىن كوز جۇمدى.