17:29, 23 - قازان 2015 | GMT +5
اراب پەن يەۆرەي بىرگە تاماقتانسا، جەڭىلدىك جاسالادى
استانا. قازاقپارات - يزرايل مەملەكەتىنىڭ كفار- ۆيتكين دەپ اتالاتىن اۋىلىندا كەلۋشىلەرگە ەرەكشە جەڭىلدىك جاسالاتىن ءدامحانا پايدا بولدى.
تەك ءبىر شارتى - اراب جانە يەۆرەي ۇلتىنىڭ وكىلدەرى ءبىر داستارحان باسىندا تاماقتانۋى ءتيىس.
Hummus Bar دەپ اتالاتىن ءدامحانا قوجايىنى كوبي زافريردىڭ ايتۋىنشا، ونىڭ بۇل باستاماسىن اۋىل تۇرعىندارىن قىزۋ قولداپ اكەتكەن. قوس ۇلتتىڭ وكىلى جەڭىلدىك ءۇشىن ءبىر داستارحانعا وتىرىپ، اڭگىمەلەسە وتىرىپ تاماقتانعاندارى، ارينە، وڭ ناتيجە بەرەرى انىق.
ول وسىدان 10 جىل بۇرىن تۇتانعان پالەستينا- يزرايل قاتىناسىن تۇراقتاندىرۋ ءۇشىن وسى جوبانى ويلاپ تاپتىم دەيدى.
