ماڭعىستاۋعا اسا كۇشتى شاڭدى داۋىل جاقىنداپ كەلەدى - فوتو
«قاگيدرومەت» ر م ك حابارلاماسى بويىنشا 23 -قازاندا ءوڭىر اۋماعىندا وڭتۇستىك- شىعىستان كۇشتى جەل سوعادى دەپ كۇتىلۋدە، جەر-جەرلەردە جەلدىڭ ەكپىنى سەكۋندىنا 15-20 مەترگە جەتۋى ىقتيمال.
سونداي-اق، شاڭدى داۋىل سوعادى دەپ بولجانۋدا. جولدىڭ ناشار كورىنۋى جاعدايىنا وراي ت ج د ازىرلىككە كەلتىرىلدى.
«ماڭعىستاۋ وبلىسى بويىنشا ت ج د بارلىق جەرگىلىكتى اتقارۋشى، مەملەكەتتىك ورگاندارعا، تىنىس-تىرشىلىكتى قامتاماسىز ەتۋ نىساندارىنا، ۇيىمدار مەن كاسىپورىندارعا ەسكەرتۋ اقپاراتىن جىبەردى. تۇرعىندارعا س م س حابارلاما (كەلتەحات) جولداندى.
ق ر ءى ءى م ت ج كوميتەتىنىڭ اۋماقتىق بولىمشەلەرى جوعارى دايىندىققا كەلتىرىلىپ، اۆاريالىق- قۇتقارۋ، مەديتسينالىق تەحنيكانىڭ ازىرلىگى تەكسەرىلدى. وبلىس تۇرعىندارى تىنىشتىق ساقتاپ، توتەنشە جاعداي ورىن السا، جەدەل دەن قويۋ قىزمەتتەرىنە جۇگىنۋلەرىن وتىنەمىز»، - دەپ حابارلادى وبلىستىڭ ت ج د باسپا ءسوز حاتشىسى گۇلنار قوجابەكوۆا.
