ە. قارين: قاۋىپسىزدىكتىڭ ءتۇيىندى ماسەلەلەرىن شەشۋدەگى قادامدار جۇيەلى ءارى كەشەندى بولۋى ءتيىس

استانا. قازاقپارات - قاۋىپسىزدىكتىڭ ءتۇيىندى ماسەلەلەرىن شەشۋدەگى قادامدار جۇيەلى ءارى كەشەندى بولۋى ءتيىس.

بۇل تۋرالى بۇگىن ق ر سىرتقى ىستەر مينيسترلىگىندە ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى.

«بۇگىندە بولىپ جاتقان داعدارىستاردىڭ سالدارى قاقتىعىستار كەز كەلگەن جەردە تۇتانۋى مۇمكىن ەكەنىن تاعى دا كورسەتىپ وتىر. بۇنداي شيەلەنىستەرگە ءارتۇرلى پروبلەمالار سەبەپ بولۋى ىقتيمال. سايكەسىنشە، قاۋىپسىزدىكتىڭ ءتۇيىندى ماسەلەلەرىن شەشۋدەگى قادامدار مەن قاتىناستار، رەاكتسيالار جۇيەلى ءارى كەشەندى بولۋى ءتيىس»، - دەدى ە. قارين «حەلسينكي قورىتىندى اكتىسىنىڭ (1975) جانە استاناداعى سامميتتىڭ (2010) مەرەيتويىنا ارنالعان ە ق ى ۇ جەتىستىكتەرى مەن قاتەرلەرى» اتتى حالىقارالىق كونفەرەنتسيادا.

سونىمەن قاتار، ول ب ۇ ۇ- نىڭ مالىمەتتەرى بويىنشا سوڭعى بەس جىلدا الەمدە 15 جاڭا قاقتىعىس ورىن الىپ، ونىڭ ەشقايسىسى شەشىلمەگەنىن اتاپ ءوتتى.

«وسى قاقتىعىستاردىڭ كوبىسى قارۋلى شيەلەنىستەرگە ۇلاستى. سوندىقتان دا، قازاقستان پرەزيدەنتى ن. نازاربايەۆ استاناداعى سامميتتە (ە ق ى ۇ) وتكەن عاسىردا قالىپتاسقان ترانس-اتلانتيكالىق ينتەگراتسيا ورىندى تۇردە ترانس-ەۋرازيالىق ينتەگراتسيامەن تولىعۋى مۇمكىن ەكەنىن ايتقان»، - دەدى ە. قارين.

اۆتور: رۋسلان عابباسوۆ