جانار دۇعالوۆا: لەوناردو دي كاپريومەن بىرگە فيلمگە تۇسكىم كەلەدى
- جانار، سالەمەتسىزبە، اڭگىمەنى ءدال قازىر اينالىسىپ جۇرگەن جوبالارىڭىزدان باستاساق. قازىر قانداي جوبالاردىڭ باسى-قاسىندا ءجۇرسىز؟
- ءدال قازىر جاڭا بەينەبايانىمنىڭ شىعۋىنا دايىندالىپ جاتىرمىن. كينوعا تۇسۋگە ءبىر-ەكى جەرگە شاقىردى. سول ۇسىنىستاردى ويلانىپ ءجۇرمىن.
- ال بەينەبايانىڭىزدى قاي انگە ءتۇسىرىپ جاتىرسىز؟
- «ايتا بەرسىن» اتتى انىمە.
- بىلتىر «Turkvizyon-2014» بايقاۋىندا جەڭىمپاز اتاندىڭىز. بۇل جەڭىسىڭىز شىعارماشىلىق ومىرىڭىزگە قالاي اسەر ەتتى؟
- ءومىرىم تۇبەگەيلى وزگەردى دەپ ايتا المايمىن. ءبىراق تانىمالدىلىعىم ارتىپ، ۇسىنىستار كوبەيدى.
- بايان ەسەنتايەۆانىڭ پروديۋسەرلىك ورتالىعىندا جۇمىس ىستەمەيتىنىڭىزدى بىلەمىز. ءدال قازىر پروديۋسەرىڭىز بار ما؟
- ول كىسىمەن ءالى دە الدا تالاي جۇمىس جاسايمىن. كومپوزيتور رەتىندە «شاين پروداكشن» جوبالارىنا ءان جازۋىم مۇمكىن. جانە وزگە ۇسىنىستار ءتۇسىپ، شاقىرىپ جاتسا، قۋانا-قۋانا بارامىن. ءدال قازىر پروديۋسەرىم جوق، بارلىعىمەن ءوزىم اينالىسىپ ءجۇرمىن.
- شەتەلدە تانىمالدىلىعىڭىزدى ارتتىرعىڭىز كەلە مە؟
- ارينە، شەتەلدە تانىلعىم كەلەدى. بۇل ءوزىمنىڭ اتىمدى شىعارسام دەگەن وي ەمەس، مەن قازاعىمنىڭ اتىن شىعارعىم كەلەدى.
- جەكە ومىرىڭىزدە وزگەرىس بار ما؟
- ازىرگە ماڭىزدى وزگەرىس جوق.
- جەكە بيزنەسپەن اينالىسۋ ويىڭىزدا بار ما؟
- ارينە، جەكە بيزنەسىمدى اشقىم كەلەدى. وكىنىشكە وراي، ءدال قازىر ونداي مۇمكىندىگىم جوق.
- تالاي جارىسقا قاتىسىپ، جەڭىمپاز اتانىپ، شىڭدالىپ ۇلگەردىڭىز. بويعا جيعانىڭىزدى وزگەگە ۇيرەتەتىندەي دارەجەگە جەتكەن سياقتىسىز. شاكىرت تاربيەلەپ ءجۇرسىز بە؟
- بولاشاقتا شاكىرت تاربيەلەۋىم مۇمكىن. ازىرگە مەن بۇل دارەجەگە جەتتىم دەپ ايتا المايمىن. ءالى ۋاقىتى كەلمەدى، ونىڭ ۇستىنە كوپ تاجىريبە جيناعىم كەلەدى.
- ومىرلىك ۇستانىمىڭىز قانداي؟
- مۇمكىندىگىنشە ەشكىمنىڭ الا ءجىبىن اتتاماي، ابىرويلى ءومىر سۇرگىم كەلەدى. قولىمنان كەلگەنىنشە بارىنە كومەكتەسەمىن، كەلمەسە، وزگەگە جاقسى ءومىر سۇرۋگە كەدەرگى جاسامايمىن.
- كوكەيىڭىزدە جۇرگەن الىپ ارمانىڭىز بار ما؟
- ءيا، بار. لەوناردو دي كاپريومەن بىرگە ءبىر فيلمگە تۇسكىم كەلەدى.
- جاڭالىقتارىڭىزبەن بولىسكەنىڭىز ءۇشىن كوپ راحمەت! الداعى ۋاقىتتا شىعارماشىلىق تابىستار تىلەيمىز!
- سىزەرگە دە راحمەت!
دايىنداعان: قارلىعا بۇيەنباي
massaget.kz
