ە ق ى ۇ- عا ءتوراعالىق ەتكەن قازاقستان مەملەكەتتەر اراسىنداعى سەنىمدى ءبىرىنشى ورىنعا شىعاردى
بۇل تۋرالى بۇگىن سىرتقى ىستەر مينيسترلىگىندە ءوتىپ جاتقان «حەلسينكي قورىتىندى اكتىسىنىڭ (1975) جانە استاناداعى سامميتتىڭ (2010) مەرەيتويىنا ارنالعان ە ق ى ۇ جەتىستىكتەرى مەن قاتەرلەرى» اتتى حالىقارالىق كونفەرەنتسيا بارىسىندا ءسوز العان ق ر پارلامەنت سەناتىنىڭ ءتوراعاسى قاسىم-جومارت توقايەۆ ءمالىم ەتتى.
«ءبىزدىڭ ويىمىزشا، ە ق ى ۇ- عا مۇشە مەملەكەتتەر ۇيىمنىڭ زاڭنامالىق نەگىزىن نىعايتۋعا كۇش-جىگەر جۇمساۋ كەرەك. ارينە، بۇل وتە قيىن مىندەت، ءبىراق، سولاي ەكەن دەپ بۇل ماسەلەنى ۇيىمنىڭ قازىرگى جانە بولاشاقتاعى كۇن تارتىبىنەن سىزىپ تاستاۋعا بولمايدى. بۇل ماسەلە بۇرىنعى قاۋىپسىزدىك جولدارىن جاڭا گەوساياسي شىندىقتاردى ەسكەرە وتىرىپ قايتا قاراۋ كەرەك بولعاندىقتان، وزەكتى بولىپ وتىر»، - دەيدى ق. توقايەۆ.
سەنات ءتوراعاسىنىڭ پايىمداۋىنشا، قاۋىپسىزدىك تۋرالى ايتپاستان بۇرىن، مەملەكەتتەر اراسىنداعى سەنىمدى نىعايتىپ الۋ كەرەك. سەبەبى، دال وسى سەنىم شارالارى حالىقارالىق جاعدايدىڭ بولجامدى دامۋىنا نەگىز بولا الادى. وكىنىشتىسى، ق. توقايەۆ اتاپ وتكەندەي، حالىقارالىق قارىم-قاتىناستا بۇل بايلانىس ەلەمەنتىنىڭ تاپشىلىعى بايقالىپ وتىر.
«الەمدە بولىپ جاتقان ءارتۇرلى جاعدايلارعا ءارتۇرلى تۇسىنىك بەرىپ، ءارتۇرلى كوزقاراس تانىتاتىن ءىرى دەرجاۆالار اراسىنداعى قاراما-قايشىلىق سان عاسىردان بەرى كەلە جاتقان قۇبىلىس. ءبىراق، بۇكىل ادامزاتتىڭ يگىلىگى ءۇشىن قاقتىعىستارعا جول بەرمەي، ءبىر مامىلەگە كەلە ءبىلۋ - مەملەكەتتىڭ ەڭ مىقتى تۇسى. ۇيىمنىڭ اتاۋىندا ايتىلعانداي، قاۋىپسىزدىك پەن ىنتىماقتاستىقتى ءبىرىنشى ورىنعا شىعارا ءبىلۋ كەرەك. سوندىقتان دا، ە ق ى ۇ- عا ءتوراعالىق ەتكەن كەزدە قازاقستان مەملەكەتتەر اراسىنداعى سەنىمدى قالپىنا كەلتىرىپ، سول سەنىمدى نىعايتۋ ءىسىن ءبىرىنشى ورىنعا شىعارعان بولاتىن»، - دەپ اتاپ ءوتتى ق. توقايەۆ.
اۆتور: كەنجەكەي توقتامۇرات قىزى
