جانات جاقيانوۆ: مەنى بۇكىل قازاقستان ماقتان ەتەتىن بولادى
بۇل جەكپە-جەك 7- قاراشا كۇنى مونتە-كارلودا (موناكو) جوسپارلانعان.
«الەمدىك تيتۋلدىڭ قانداي دا ءبىر تۇجىرىمداماسىن جەڭگەن ءاربىر سپورتشى - وتە جاقسى ايقاسۋشى، سوندىقتان پارەحومەن جەكپە-جەك مەن ءۇشىن كۇردەلى بولاتىنىنا سەنىمدىمىن. سونىمەن قاتار، مەن ول ءۇشىن ەڭسەرىلمەيتىن كەدەرگى بولاتىنىما كۇمانىم جوق. سوڭعى 12 قارسىلاسىمدى نوكاۋتقا جىبەردىم، ال 7- قاراشادا 13-شىسىنە قول جەتكىزۋدى جوسپارلاپ وتىرمىن. پارەحو مەنىمەن بارلىق 12 راۋند بوكستاسىپ، تيتۋلىن ساقتاپ قالامىن دەپ ويلايتىن شىعار. ءبىراق مەنونى ەسەڭگىرەتەمىن. مەنىڭ سوققىلارىمنان ول نە بولعانىن دا تۇسىنبەي قالادى»، - دەپ كەلتىرەدى جاناتتىڭ سوزدەرىن Boxingscene.
«الەم چەمپيونى تيتۋلىنا يە بولۋ - بۇل ارمان. مەنىڭ عانا ەمەس، بۇكىل قازاقستاننىڭ ارمانى. گولوۆكين مەن شۇمەنوۆ قازاقستانعا WBA تيتۋلدارىن اكەلدى، مەن دە قالىسپايمىن. ۇيىمدە جانكۇيەرلەرىم وتە كوپ، ەۋروپا چەمپيونى تيتۋلى ءۇشىن جەكپە-جەكتە كاريم گەرفيدى نوكاۋتقا جىبەرگەنىمدە، كوپ ادامدى قۋانتقان ەدىم. ءبىراق الەمدىك تيتۋلدى يەلەنۋ - ودان دا ۇلكەن جەتىستىك. مەنى بۇكىل قازاقستان ماقتان ەتەتىن بولادى»، - دەدى بوكسشى.
