گولوۆكين ءۇشىن ورتاشا سالماقتاعى ەڭ قاۋىپتى قارسىلاس
سۇحباتتاردىڭ بىرىندە GGG- عا كوپ پروبلەما اكەلە الاتىن كىم دەگەن سۇراققا ابەل سانچەس كەنەتتەن الەمنىڭ بۇرىنعى چەمپيونى پيتەر كۋيلليننىڭ ەسىمىن اتادى.
«جۇدىرىقتاسۋ ءستيلى جاعىنان ءدال وسى كۋيللين گولوۆكينگە كۇردەلى پروبلەمالار اكەلۋى مۇمكىن. الايدا ولاردىڭ جەكپە-جەگىنىڭ وتكىزىلۋى ەكىتالاي. ارينە، ءبارى دە پيتەرگە بايلانىستى. ءبىراق ول تىم ۇلكەن گونورار - 5 نەمەسە 10 ميلليون سۇراپ وتىر. الايدا ونىڭ ءبىر جەكپە-جەك ءۇشىن تابىسى 500 مىڭ دوللاردان ازەر اسقان»، - دەدى سانچەس.
ەسكە سالا كەتەيىك، وتكەن دەمالىستا نيۋ-يورك قالاسىندا گولوۆكين كانادا بوكسشىسى داۆيد لەمەمەن رينگتە كەزدەسىپ، سەگىزىنشى راۋندتا مەرزىمىنەن بۇرىن جەڭىسكە جەتكەن بولاتىن. سول ارقىلى وزىندە بۇعان دەيىن بولعان WBA (Super) ، IBO جانە (WBC (Interim تۇجىرىمدامالارى بويىنشا تيتۋلدارىنا بۇعان دەيىن كانادالىق سپورتشىنىڭ ەنشىسىندە بولعان IBF بەلبەۋىن قوسىپ الدى. ب ا ق- تىڭ اقپاراتىنشا، بۇل جەكپە-جەك 150 مىڭعا جۋىق PPV جيناعان.
بۇل گولوۆكيننىڭ مانسابىندا 34- جەڭىس بولدى، سونىڭ 31 ىن ول نوكاۋتپەن اياقتاعان. سونداي-اق قازاقستاندىق سپورتشى مەرزىمىنەن بۇرىن قول جەتكىزگەن جەڭىستەر توپتاماسىن 21 گە دەيىن كوبەيتتى.
