جاپونيا پرەمەر-ءمينيسترى قازاقستانعا رەسمي ساپارمەن كەلەدى

استانا. قازاقپارات - 27- قازاندا جاپونيا پرەمەر-ءمينيسترى سيندزو ابەنىڭ قازاقستانعا كەلەتىن رەسمي ساپارى اياسىندا استانادا قازاقستاندىق-جاپوندىق بيزنەس-فورۋم وتكىزۋ جوسپارلانعان، دەپ حابارلادى ق ر ينۆەستيتسيالار جانە دامۋ مينيسترلىگىنەن، دەپ جازادى primeminister.kz.

«فورۋمعا جاپونيا تاراپىنان 100 دەن استام كومپانيا قاتىسادى دەپ كوزدەلگەن. ول ەكونوميكا، اۆتوموبيل قۇرىلىسى، اۆياتسيا جانە عارىش، ەلەكترونيكا، حيميالىق ونەركاسىپ، قارجى جانە جىلجىمايتىن مۇلىك، ەكسپەديتسيالاۋ جانە جۇك تاسىمالداۋ، ازىق-تۇلىك سالاسى، دەنساۋلىق ساقتاۋ جانە ت. ب سالالارداعى كومپانيالار»، - دەلىنگەن حابارلامادا.

ۆەدومستۆودان حابارلاعانداي، بيزنەس-فورۋمنىڭ ىسكەرلىك باعدارلاماسىندا جاپونيالىق كومپانيالارمەن كەزدەسۋلەر وتكىزۋ، ەكونوميكالىق سيپاتتاعى ءبىرقاتار قۇجاتتارعا قول قويۋ جوسپارلانعان.

سونداي-اق فورۋم كەزىندە قازاقستاندىق-جاپونيالىق ينۆەستيتسيالىق جوبالاردىڭ كورمەسىن وتكىزۋ مەجەلەنگەن.