تەلەفوننان كوز المايتىندارعا جەكە جۇرگىنشى جولاعىن سىزىپ بەردى

استانا. قازاقپارات - تايلاند استاناسىندا وقىپ جاتقان ستۋدەنتتەر وسى كەزگە دەيىن باس اۋىرتقان ماسەلەگە شەشىم تاپتى،

 دەپ جازادى 24.kz.

 ولار كوشەدە كەلە جاتىپ، ۇنەمى قالتا تەلەفونىنا شۇقشياتىن جۇرگىنشىلەرگە ارناپ جول ءبولۋ يدەياسىن ىسكە اسىردى. بۇل ءۇشىن تاپقىر ستۋدەنتتەر ۋنيۆەرسيتەت جانىنان وتەتىن جۇرگىنشى جولىنىڭ قاق ورتاسىن اق جولاقپەن انىق ەتىپ سىزعان. مۇنان سوڭ جولدىڭ ءبىر بولىگىنە تەلەفوننىڭ سۋرەتىن سالعان. ال ەكىنشى بولىكتە بەلىنەن ءبىر سىزىلعان تەلەفوننىڭ سۋرەتى بار.

يدەيا اۆتورلارىنىڭ ايتۋىنشا، بۇدان كەيىن جاعداي ءبىراز وزگەرىپتى. سەبەبى بۇرىن گادجەتكە عانا قاراپ كەلە جاتقان ادام ۇنەمى وزگە جۇرگىنشىمەن سوقتىعىسىپ قالاتىن. ەڭ سوراقىسى، تەلەفوننىڭ «ىشىندە ءومىر سۇرەتىندەر» كولىك جۇرەتىن جولعا قالاي شىعىپ كەتكەنىن بىلمەي قالىپ، اپاتقا ۇشىراعان كەزدەر دە بولعان. ەندى كوشەدە كەلە جاتقان جۇرت جولداعى ارنايى بەلگىگە قاراي ءجۇرىپ، دىتتەگەن جەرلەرىنە كەدەرگىسىز، ال ەڭ باستىسى، امان- ساۋ جەتەدى، دەپ حابارلايدى ت ا س س.