گۋمانيتارلىق ىنتىماقتاستىق حالىقتار اراسىندا ءوزارا تۇسىنىستىكتى نىعايتۋدىڭ بەرىك نەگىزى - ا. مۇحامەدي ۇلى

استانا. قازاقپارات - گۋمانيتارلىق ىنتىماقتاستىق حالىقتار مەن مادەنيەتتەر اراسىندا ءوزارا تۇسىنىستىكتى نىعايتۋدىڭ بەرىك نەگىزى بولىپ تابىلادى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.

«مەملەكەتارالىق گۋمانيتارلىق ىنتىماقتاستىق قورى قالىپتاسقان جىلدان بەرى 9 فورۋم ءوتىپ، وندا مادەنيەت، ءبىلىم، عىلىم، اقپارات، سپورت جانە تۋريزم سالالارىنداعى ەڭ وزەكتى ماسەلەلەر تالقىعا سالىندى. ال بيىلعى مەرەيتويلىق فورۋم استانادا ءوتىپ جاتىر. ەلباسى نۇرسۇلتان نازاربايەۆ اتاپ وتكەندەي، قازاقستان ت م د قۇرىلعالى دوستاستىققا قاتىسۋشى ەلدەردىڭ اراسىندا كوپجاقتى ىنتىماقتاستىقتى، ونىڭ ىشىندە مادەني-گۋمانيتارلىق سالاداعى بايلانىستاردى جانداندىرۋدى قولداپ وتىر»، - دەدى مينيستر.

وسى ورايدا ول استاناداعى فورۋم گۋمانيتارلىق سالاداعى، ورتاق قۇندىلىقتار، سونداي-اق مادەنيتتەر ديالوگى تۇرعىسىنداعى وزەكتى ماسەلەلەرگە ارنالعانىن ەسكە سالىپ ءوتتى.

«اتاپ ايتقاندا، فورۋم كەزەكتى رەت جاڭا باستامالارعا، قىزىقتى جوبالارعا ءوزىنىڭ ۇمتىلىسى مەن اشىقتىعىن كورسەتەتىندىگىنە سەنىمدىمىن. مادەنيتتەر ديالوگى - بۇل جاقىنداسۋعا، ءوزارا ءىس-قيمىلدار مەن مادەني مۇرانى ساقتاۋ ءۇشىن، سونداي-اق قازىرگى الەمدەگى ورتاق پروبلەمالاردى شەشۋ اياسىندا ءتيىمدى شارالاردى بىرلەسە ىزدەستىرۋ تۇرعىسىندا ماڭىزدى قۇرامداس. گۋمانيتارلىق ىنتىماقتاستىق حالىقتار مەن مادەنيەتتەر اراسىندا ءوزارا تۇسىنىستىكتى نىعايتۋدىڭ بەرىك نەگىزى بولىپ تابىلادى»، - دەدى ا. مۇحامەدي ۇلى.

بۇدان بۇرىن حابارلانعانداي، استاناداعى ۇلتتىق مۋزەيدە ت م د- عا قاتىسۋشى ەلدەردىڭ شىعارماشىلىق جانە عىلىمي زيالى قاۋىم وكىلدەرىنىڭ ونىنشى فورۋمى جۇمىسىن باستادى. فورۋمعا دوستاستىق مەملەكەتتەرىنەن 200 گە جۋىق دەلەگاتتار شاقىرىلدى. بيىلعى بۇل شارا «دوستاستىقتىڭ گۋمانيتارلىق كەڭىستىگى: ورتاق قۇندىلىقتار مەن مادەنيەتتەر ديالوگى» تاقىرىبىنا ارنالىپ وتىر.

اۆتور: رۋسلان عابباسوۆ