شەتەلدىكتەر قىزمەتكە مەملەكەتتىك قىزمەتشى رەتىندە شاقىرىلمايدى - سايان احمەتجانوۆ
ەسكە سالايىق، بۇگىن پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭ جوباسى تالقىلانىپ، قابىلدانعان بولاتىن.
«زاڭدا العاش رەت جۇمىسقا مەملەكەتتىك قىزمەتشى رەتىندە ەمەس، ياعني مەملەكەتتىك قىزمەتتە بەلگىلى ءبىر مىندەتتەردى اتقارۋ ءۇشىن ەڭبەك شارتىن بەكىتۋ ارقىلى شەتەلدىك مەنەدجەرلەردى تارتۋ مۇمكىندىگى ەنگىزىلىپ وتىر. ولار مەملەكەتتىك قىزمەتشى بولىپ تابىلمايدى. زاڭ 2016-جىلدىڭ 1- قاڭتارىنان باستاپ كۇشىنە ەنەدى. سول ساتتەن باستاپ مەملەكەتتىك ورگانداردىڭ باسشىلارىندا كادر ساياساتى جونىندەگى ۇلتتىق كوميسسيانىڭ شەشىمىمەن اتالعان جۇمىستاردى اتقارۋعا تاجىريبەلى شەتەلدىك مەنەدجەرلەردى ۇسىنۋ مۇمكىندىگى تۋىندايدى»، - دەدى س. احمەتجانوۆ.
زاڭعا سايكەس، وكىلەتتى ورگاننىڭ شەشىمى بويىنشا مەملەكەتتىك ورگاندار جۇمىسقا شەتەلدىك مامانداردى قابىلداي الادى. الدىمەن ولار قازاقستاننىڭ ۇلتتىق قاۋىپسىزدىگى ورگاندارىنىڭ ارنايى تەكسەرۋىنەن ءوتۋى ءتيىس. سونىمەن قاتار ولارمەن ەلىمىزدىڭ ەڭبەك زاڭناماسىنا سايكەس شارت جاسالادى.
اۆتور: رۋسلان عابباسوۆ
