پاۆلوداردا قىزدىرىلعان مۇناي كوكسىن وندىرەتىن زاۋىت ىسكە قوسىلدى - فوتو

پاۆلودار. قازاقپارات - «پاۆلودار» ارنايى ەكونوميكالىق ايماعىندا «ۋ پ ن ك-پ ۆ» ج ش س زاۋىتىندا مۇناي كوكسىن قىزدىرۋ تەحنولوگيالىق ۇدەرىسى ىسكە قوسىلدى.

ۇجىمدى اتاۋلى وقيعامەن وبلىس اكىمى قانات بوزىمبايەۆ قۇتتىقتادى.

جوبا بويىنشا جالپى ينۆەستيتسيا كولەمى 22,9 ميلليارد تەڭگەنى قۇرادى، كاسىپورىندا 320 ادام جۇمىس ىستەمەك.

ۋ پ ن ك نەگىزگى شيكىزاتى پاۆلودار مۇناي-حيميا زاۋىتىندا وندىرىلەتىن شيكى مۇناي كوكسى بولادى. پ ح ن ز ديرەكتورى شۋحرات ءدانبايدىڭ سوزىنە قاراعاندا، زاۋىتتا قاراشانىڭ ورتاسىندا قۋاتتىلىعى جىلىنا 280 مىڭ توننانى قۇرايتىن شيكى كوكستى ءوندىرۋ بويىنشا قۇرىلىم ىسكە قوسىلادى.

قىزدىرىلعان كوكستى «قازاقستان ەلەكتروليز زاۋىتى» ا ق ساتىپ الماق، دەپ اتاپ ءوتتى «قازاقستان اليۋمينيى» ا ق پرەزيدەنتى ارمان ەسەنجولوۆ. ونىڭ سوزىنە قاراعاندا، بۇگىندە «قازاقستان ەلەكتروليز زاۋىتى» ا ق شيكىزاتتى قىتايدان جەتكىزىپ جاتىر. كەيىن ۋ پ ن ك ءونىمى ر ف مەن قىتايعا ەكسپورتتالماق.

نەگىزگى ءونىم - قىزدىرىلعان كوكستان باسقا ۋ پ ن ك ەلەكتروەنەرگيا مەن گيپس ءوندىرۋدى دە كوزدەپ وتىر.