قازاقستان مەن بەلارۋس كينوگەرلەرى ءادي ءشارىپوۆ تۋرالى كوركەم فيلم تۇسىرەدى
بۇل تۋرالى بۇگىن ەلوردادا ءوتىپ جاتقان ت م د- عا قاتىسۋشى ەلدەردىڭ شىعارماشىلىق جانە عىلىمي زيالى قاۋىم وكىلدەرىنىڭ 10- فورۋمى اياسىندا ب ا ق وكىلدەرىنە سۇحبات بەرگەن ەلىمىزدىڭ مادەنيەت ءمينيسترى ارىستانبەك مۇحامەدي ۇلى ءمالىم ەتتى.
«ءبىز فورۋم اياسىندا ماڭىزدى كەلىسىمدەرگە قول قويامىز. ماسەلەن، 2016 -جىلى بەلارۋس رەسپۋبليكاسىمەن بىرلەسىپ، پارتيزان، قازاقستاننىڭ كورنەكتى قايراتكەرى ءادي ءشارىپوۆ تۋرالى كوركەم فيلم تۇسىرەمىز. ول سوناۋ قيىن- قىستاۋ 40- جىلداردا بەلارۋستا پارتيزان بولعان ەدى»، - دەدى مينيستر.
ا. مۇحامەدي ۇلى بۇگىنگى شارانىڭ ماڭىزدىلىعىنا دا توقتالىپ، مۇنداي باسقوسۋلاردا ت م د- عا قاتىسۋشى ەلدەردىڭ شىعارماشىلىق جانە عىلىمي زيالى قاۋىم وكىلدەرى بىرلەسە اتقاراتىن نەگىزگى باعىتتار ايقىندالاتىندىعىن ايتتى.
«ءبىز قازىر فورۋم اياسىندا ءار مەملەكەتپەن جەكە-جەكە مەموراندۋم راسىمدەيمىز. ويتكەنى، اتقاراتىن ءىستىڭ بارلىعىن بىرلەسىپ جاساۋعا ءتيىسپىز»، - دەدى ول.
اۆتور: مارلان جيەمباي
