گولوۆكين الەم چەمپيونى اتاعىنا تيتۋل يەسىز قالعان جاعدايدا يە بولا الادى

استانا. قازاقپارات - WBC قاۋلىسىنا سايكەس، ەگەر ميگەل كوتتو - ساۋل الۆارەس جەكپە-جەگىنىڭ جەڭىمپازى گەننادي گولوۆكينمەن اتالعان ۇيىمنىڭ تۇجىرىمداماسى بويىنشا ورتاشا سالماقتاعى الەم چەمپيونى اتاعى ءۇشىن ايقاسۋدان باس تارتسا، بۇل بەلدىك اۆتوماتتى تۇردە گەنناديگە بەرىلەدى، دەپ اقپاراتتاندىرادى Sports.kz.

بۇل تۋرالى BoxingScene.com عا WBC پرەزيدەنتى ماۋرسيو سۇلەيمان حابارلادى.

«Triple G- مەن تايتالاستى بولدىرماۋدىڭ جالعىز امالى - تارتىلعان بارلىق تاراپتاردىڭ جاعدايدى باسقا جولمەن شەشۋ تۋرالى كەلىسىمگە قول قويۋى. ءبىراق WBC  دىڭ پىكىرى ايقىن بولىپ قالىپ وتىر: 21 -قاراشادا جەڭىسكە جەتكەن بوكسشى گولوۆكينمەن كەزدەسۋى ءتيىس»، - دەپ اتاپ ءوتتى سۇلەيمان.

سونداي-اق ەگەر كوتتو نەمەسە «كانەلو» گولوۆكيننىڭ توبى جانە WBC مەن كەلىسپەي، باسقا جولدى تاڭداسا، ولارعا تيتۋلدى بوساتۋعا تۋرا كەلەدى. كەرى جاعدايدا، ولارعا WBC سانكسيالارى قولدانىلادى، ال گولوۆكين چەمپيوندىق بەلبەۋدىڭ تولىق قۇقىلى يەسى بولاتىنى حابارلانىپ وتىر.