شەكاراشىلار قىتايدان «ايفون» تەلەفوندارىن زاڭسىز الىپ كەلمەك بولعانداردى ۇستادى

استانا. قازاقپارات - وتكەن تاۋلىك ىشىندە شەكارا قىزمەتىنىڭ «قورعاس» باقىلاۋ- وتكىزۋ بەكەتىنىڭ باقىلاۋشىلارى كونتراباندالىق جولمەن 36 دانا ۇيالى تەلەفونداردى الىپ وتپەك بولعان قازاقستاندىق ازاماتتاردى ۇستادى،

دەپ حابارلادى ق ر ۇ ق ك ش ق باسپا ءسوز قىزمەتىنەن.

قازاق- قىتاي مەملەكەتتىك شەكاراسىنىڭ ارالىعىندا ورنالاسقان «شەكارالىق ىنتىماقتاستىقتىڭ حالىقارالىق ورتالىعىنان» ەلىمىزگە قاراي كەلە جاتقان 1993 - جىلى تۋعان ماقسات ەسىمدى ازاماتتى تەكسەرۋ بارىسىندا، ونىڭ قول جۇگىنەن جاريالانباعان 26 دانا «ايفون-6» ۇيالى تەلەفونى تابىلدى.

كەلەسى وقيعا دا وسى بەكەتتە ورىن الدى. شەكاراشىلار جازيرا ەسىمدى 1986 - جىلى تۋعان ازاماتشانى ۇستاپ، ونىڭ قول جۇگىن شەكارالىق تەكسەرۋ كەزىندە 10 دانا «ايفون- 5S» ۇيالى تەلەفونىن انىقتادى.

اتالعان دەرەكتەر بويىنشا ماتەريالدار «التىنكول» كەدەن بەكەتىنىڭ قىزمەتكەرلەرىنە بەرىلدى.