11:01, 22 - قازان 2015 | GMT +5
باۋى وزدىگىنەن بايلاناتىن اياق كيىم ساتىلىمعا شىقتى
استانا. قازاقپارات - سپورتتىق كيىمدەر شىعاراتىن «Nike» كومپانياسى «بولاشاققا قايتۋ-2» فيلمىندە كورسەتىلگەن باۋى وزدىگىنەن بايلاناتىن كروسسوۆكا ۇلگىسىن ساتۋعا شىعاردى.
بۇل تۋرالى كومپانيا سايتىندا حابارلانعان.
كومپانيا وسىنداي كروسسوۆكانىڭ ءبىرىنشى شىعارىلىمىن فيلمدەگى مارتي ماكفلايدىڭ ءرولىن سومداعان امەريكالىق اكتەر مايكل دجەي فوكسقا سىيلادى، دەلىنگەن حابارلامادا.
2015 - جىلى Nike Mag-تىڭ شەكتەۋلى سانى شىعارىلادى. ولاردى ءباسساۋدا ارقىلى عانا ساتىپ الۋعا بولادى، ودان تۇسكەن قاراجات مايكل دجەي فوكستىڭ يەلىگىندەگى پاركينسون اۋرۋلارىن زەرتتەۋ قورىنا جىبەرىلەدى.
