دەنساۋلىق: سۋىقتاپ قالساڭىز، جانۋارلار مايىن پايدالانىڭىز

 استانا. قازاقپارات - ادام اعزاسى ءۇشىن ايۋ، بورسىق، سۋىر مايلارى وتە پايدالى، ول تامىردى كەڭەيتىپ، بويداعى سۋىقتى شىعارادى، دەپ جازادى «حالىق ەمى» سايتىندا.

حالىق مەديتسيناسى مەن ديەتولوگتار اسىرەسە، قۇرامىندا سيتاميندەر، اعزاعا ءنارلى زاتتاردىڭ ەنۋىن جاقسارتاتىن پەپتيد بيو رەتتەگىشتەرى بار ايۋ مايىن ەڭ پايدالى دەپ اتايدى.

 ايۋ مايىن كۇنىنە ءۇش قاسىقتان قابىلداسا، ول استىڭ سىڭىمدىلىگىن الماستىرا الادى. ءتىپتى، ايۋ مايىمەن عانا ازىقتانىپ جۇرۋگە بولادى. ماماندار ايۋ مايىن ۇزاق جول جۇرەتىن جۇرگىزۋشىلەر نەگىزگى تاماعى رەتىندە قابىلداۋعا كەڭەس بەرەدى.

سۋىر مايىن گاستريت پەن اسقازان جاراسى كەزىندە قابىلداۋدىڭ پايداسى كوپ. ول ءۇشىن كۇنىنە ءۇش شاي قاسىق قابىلداۋ جەتكىلىكتى.

بورسىق مايىنىڭ ءيىسى جاعىمسىز بولعانىمەن، تەرىگە پايدالى. بورسىق مايىن تەرى اۋرۋلارى - نەيرودەرميت، دەرماتيت، كۇيىك شالۋ نەمەسە ءۇسىپ كەتۋ كەزىندە وتە قولدانۋ قاجەت.

كەز كەلگەن جانۋار مايى - برونحتىڭ قابىنۋى مەن سۋىق تيگەندە تاپتىرمايتىن ناعىز ەم. ءسۇتتى جىلىتىپ، ءبىر قاسىق بال، ءبىر شاي قاسىق ماي قوسىپ، سۋىق تيگەننەن ەمدەلۋگە بولادى.