قازاقستاندىق عالىمدار الەمدەگى ەڭ ۇزدىك تەلەسكوپتارمەن جۇمىس ىستەيتىن بولادى

الماتى. قازاقپارات - بۇگىن الماتىدا «يونوسفەرا ينستيتۋتى» ەنشىلەس جاۋاپكەرشىلىگى شەكتەۋلى سەرىكتەستىگىندە حالىقارالىق «الدىڭعى قاتارلى عارىشتىق زەرتتەۋلەر مەن تەحنولوگيالار» عىلىمي- تاجىريبەلىك سەمينار- وتىرىسىنىڭ جۇمىسى باستالدى.

بۇگىنگى شارا ءۇشىنشى قازاقستاندىق عارىشكەر- ۇشقىش ايدىن ايىمبەتوۆتىڭ حالىقارالىق عارىش ستانساسىنا ۇشۋ ساپارى مەن جاساعان عىلىمي تاجىريبەلەرىن جانە وتاندىق عارىش سالاسىنىڭ كەلەشەگىن تالقىلاۋعا باعىتتالدى.

 سەمينار بارىسىندا «ۇلتتىق عارىشتىق زەرتتەۋلەر مەن تەحنولوگيالار ورتالىعى» ا ق مەن جاپونيانىڭ ۇلتتىق استرونوميالىق وبسەرۆاتورياسى اراسىندا ىنتىماقتاستىق جانە ءوزارا تۇسىنىستىك مەموراندۋمىنا قول قويىلدى.

 «بۇل كەلىسىم ءبىزدىڭ عالىمدارعا الەمدەگى ەڭ ۇزدىك تەلەسكوپتارمەن جۇمىس ىستەۋگە مۇمكىندىك بەرەدى. جاپونيا مەن گاۆاي ارالدارىندا «سۋبارۋ» دەپ اتالاتىن تەلەسكوپتار ورنالاسقان. ولار الەمدەگى ەڭ ۇلكەن تەلەسكوپتار قاتارىنا جاتادى. ودان باسقا، مەموراندۋم وتاندىق جاس عالىمداردىڭ بىلىكتىگىن ارتتىرۋعا سەپتىگىن تيگىزەدى»، - دەدى ءوز سوزىندە «ۆ. گ. فەسەنكوۆ اتىنداعى استروفيزيكا ينستيتۋتى» ەنشىلەس جاۋاپكەرشىلىگى شەكتەۋلى سەرىكتەستىگىنىڭ ديرەكتورى، فيزيكا- ماتەماتيكا عىلىمدارىنىڭ كانديداتى شىڭعىس وماروۆ.

 ءوز كەزەگىندە جاپوندىق عالىم، پروفەسسور كازۋحيرو سەكيگۋچي مۇنداي كەلىسىمگە جاپونيا ۇلتتىق وبسەرۆاتورياسى دا مۇددەلى ەكەندىگىن جەتكىزدى. ويتكەنى، عارىشتى تەلەسكوپتار ارقىلى زەرتتەۋدە قازاقستاننىڭ گەوگرافيالىق جاعدايى وتە قولايلى.

اۆتور: جاپپاربەرگەن ايبوتا