پاۆلودارلىق ناۋم شافەردىڭ مۋزەي ءۇيى داۋعا قالدى
داۋدىڭ باسى وڭتايلاندىرۋ باعدارلاماسى اياسىندا كونە پاتەفون جازبالارى ساقتالعان الەمدەگى جالعىز مەكەمەنى باسقا ءبىر مۋزەيدىڭ فيليالى ەتىپ جاسايدى دەگەن اڭگىمەدەن باستالدى. ونەر جاناشىرلارى ماسەلەنى مايشاممەن قاراۋدى تالاپ ەتۋدە.
ونەردى ازىق ەتكەن ناۋم شافەردىڭ قارا شاڭىراعى بۇگىندە مىڭداعان كونە گرامموفون، پاتەفون جانە ۆينيل كۇيتاباقتارى ساقتالعان الەمدەگى جالعىز مۋزەي. جىلدار بويى جينالعان الەمدىك كلاسسيكانىڭ العاشقى جازبالارى ءباز بىرەۋدىڭ قولىنا ءوتۋى مۇمكىن. تاتۋ ۇجىم جۇمىسسىز قالادى دەگەن وي قارتتى تولعاندىرادى.
«وڭتايلاندىرۋدان كەيىن ۇيىم تاراتىلادى دەگەن وي مەنى مازالايدى. وڭتايلاندىرۋ مەملەكەتتىك قارجىنى ۇنەمدەيدى. بۇل، ارينە، جاقسى باستاما. تەك قايتالاپ ايتامىن، سوڭى مەكەمەنى جابۋعا اكەلىپ سوقپاسا بولدى»، - دەيدى توپتامانىڭ نەگىزىن قالاۋشى ناۋم شافەر.
ال وڭتايلاندىرۋ باستاماسىن كوتەرگەندەر: «شافەردىڭ جەكە قورىنا ەشكىم قول سۇقپايدى»، - دەيدى. جاۋاپتى مەكەمە وكىلدەرى: «تاسپالار توپتاماسى ءالى كۇنگە دەيىن جەكە مەنشىكتە ساقتالۋدا، ءالى مەملەكەت مەنشىگىنە وتپەگەن»، - دەيدى. سوعان قاراماستان مۇراجاي جەرگىلىكتى بيۋدجەت ەسەبىنەن قارجىلانۋدا. ال وڭتايلاندىرۋدان كەيىن جىلىنا 900 مىڭ تەڭگە ۇنەمدەلمەك، دەپ جازادى khabar.kz.
