زەرتتەۋشىلەر ارتىق سالماقتان ارىلۋدىڭ تاعى ءبىر ءادىسىن ايتتى

استانا. قازاقپارات - زەرتتەۋشىلەردىڭ پىكىرىنشە، ارىقتاۋ ءۇشىن اس ۇيدەگى ۇستەلدى جيناپ وتىرۋ كەرەك.

ۇستەل ۇستىندە اس قالدىراتىن نازىك جاندىلار ارتىق تاماقتى ءجيى جەپ قويادى. ول سالماق قوسۋعا الىپ كەلەدى. وسىنداي قورىتىندىنى كورنەل ۋنيۆەرسيتەتىنىڭ زەرتتەۋشىلەرى جاسادى.

ماماندار اس ۇيلەردىڭ 200 فوتوسۋرەتىن زەرتتەپ شىقتى، دەپ جازادى The Daily Mail.

 عالىمدار ۇستەلدەرىندە اس قالدىرىپ جۇرگەن قاتىسۋشىلاردىڭ سالماعى ازىق- تۇلىكتى قالدىرمايتىندارعا قاراعاندا، 9 كەلى كوپ بولعانىن انىقتادى. ۇستەلدەرىندە الكوگولسىز سۋسىندار تۇرعان ايەلدەردىڭ سالماعى 12 كەلى كوپ بولعان. ال كورىنەتىن جەردە جەمىستەر قويعانداردىڭ سالماعى 6 كەلىدەي از بولعان.

 سونداي- اق زەرتتەۋگە قاتىسقان سالماعى قالىپتى ايەلدەر ازىق- تۇلىكتەرىن ارنايى كىشكەنە شكافتا ساقتاعان. مامانداردىڭ ايتۋىنشا، ۇستەل ۇستىندە ازىق- تۇلىكتەر قالدىرعان ادامدار تاماققا قىزىعىپ، ونى جەپ قويىپ وتىرادى.

 اتاپ وتەيىك، بۇعان دەيىن جاسالعان زەرتتەۋ كامپيت سالىنعان ىدىس كورىنەتىن جەردە تۇرعان كەڭسە قىزمەتكەرلەرى ول ەكى مەتر الىس جەردە تۇرعانداردان گورى 5 كامپيت ارتىق جەپ قويىپ وتىرعانىن كورسەتتى. ءتاتتىقۇمارلار قىزىعىپ، كۇنىنە 125 كالوريا كوپ جەگەن. سوندىقتان جىلىنا شامامەن 6,4 كەلى سالماق قوسىپ وتىرعان.