عالىمدار اسقازانى تەمىردى دە قورىتىپ جىبەرەتىن تىرشىلىك يەسىن انىقتادى

استانا. قازاقپارات - وڭتۇستىك كورەيا عالىمدارى الەمدەگى اس قورىتۋ جۇيەسى ەڭ كۇشتى تىرشىلىك يەسىن انىقتادى.

ول - تازقارا بولىپ شىقتى، دەپ جازادى planet-today.ru.

تازقارا (لات. Aegypius monachus) - وتە ءىرى قۇس: دەنەسىنىڭ ۇزىندىعى 1 مەتر، قوس قاناتىنىڭ جالپى ۇزىندىعى 2 م 20 س م- دەي، ءتۇسى قارا قوڭىر. ەكى كوزىنىڭ اينالاسى مەن موينى جالاڭاش. تازقارا كوبىنەسە تاۋلى جەرلەردە تىرشىلىك ەتەدى، ولەكسەمەن قورەكتەنەدى. كەيدە ءتىرى حايۋاندارعا دا شابۋىل جاسايدى، مالدىڭ الدىمەن ەتىن، ودان كەيىن ىشەك- قارنىن جەپ، ەڭ سوڭىندا سۇيەكتەرىن بىتەۋ جۇتادى. تاسباقانى دا ەكى اياعىمەن ۇستاپ تۇرىپ، تۇمسىعىمەن ۇڭگىپ جەيدى. ءبىر جۇمىرتقا تابادى.

مامانداردىڭ ايتۋىنشا، بۇل قۇستىڭ اسقازانى ءىرى-ءىرى سۇيەكتەردى وڭاي قورىتىپ جىبەرەدى. ول ول ما، ءتىپتى اسقازانىنا تۇسكەن مەتالدار دا قورىتىلىپ كەتەدى ەكەن.

بۇعان قوسا تازقارانىڭ يممۋندىق جۇيەسى دە وتە كۇشتى بولىپ شىقتى. ول وبا اۋرۋى جۇققان، قۇتىرعان جانە باسقا دا وتە قاۋىپتى جۇقپالى اۋرۋلارعا شالدىققان جىرتقىشتاردىڭ ەتىمەن قورەكتەنە بەرەدى ەكەن.

زەرتتەۋ جوباسىنىڭ اۆتورلارىنىڭ ءبىرى - گەنەتيك چون پاكتىڭ ايتۋىنشا، ونىڭ اسقازانىنىڭ مۇنشا قۋاتتى بولۋىنا اسقازان ءسولىنىڭ قىشقىلدىلىعى وتە جوعارى دەڭگەيدە بولۋى باستى سەبەپ.