تاعدىر-اي، تاعدىر

استانا. قازاقپارات - اتاقتى ءانشى روزا باعلانوۆا اكە- شەشەسى بولعانىمەن، دەتدومدا (بالالار ۇيىندە - رەد.) وسكەن.

بالالىق شاعى اشارشىلىققا تۇسپا- تۇس كەلگەسىن اكەسى «ءولىپ قالماسىن» دەپ ۇلى شاكىماندى، قىزى ءرازيانى جانە قارىنداسى اسىلبەكتى قازالىداعى دەتدومعا وتكىزگەن.

روزانىڭ ازان شاقىرىپ قويىلعان اتى ءرازيا. شاكىمان مەن اسىلبەك دەتدومنان قاشىپ شىعۋدى ۇيىمداستىپ، ءرازيانى دا الىپ شىقپاقشى بولادى.

الايدا تاربيەشى تاتار ايەل الگى ەكەۋدى ءرازياعا جولاتپاي قويعان. ارادا ءۇش جىل وتكەندە بارىپ اناسى دەتدومنان ءبۇلدىرشىن قىزدى تاۋىپ الادى. ماسقارا بولعاندا كىشكەنتاي روزا اناسىن تانىماعان. سودان اناسى اعاسىنىڭ، اپالارىنىڭ اتىن اتاپ، اكەسىن ايتقاندا عانا ەڭىرەپ جىلاپ جىبەردى دەيدى. ينتەرناتتاعى ۇيىرمەدە ءان ايتىپ، باستاۋىش سىنىپقا بارىپتى. اناسى الىپ كەتۋگە بەكىنگەندە قاتارلاستارى «7-سىنىپتى ءبىتىرىپ، ءبىرجولا اۋىلىڭا ورال» دەپ كەڭەس بەرگەسىن دەتدومدا قالعان.

اۋىلداعى وتباسىندا دا كيەرگە كيىم، ىشەرگە تاماق بولماعاسىن قالدىرۋدى ۇيعارىپتى. ءسويتىپ جۇرگەندە روزانى بىرەۋلەر اسىراپ الىپ، تاشكەنتكە الىپ كەتكەن دەيدى.

www.bmtv.kz