استاناداعى ەڭ سىپايى كولىك جۇرگىزۋشىلەرى
جول قوزعالىسى ەرەجەلەرىن بۇزۋشىلىقتاردىڭ الدىن الۋ مەن ولاردىڭ جولىن كەسۋگە باعىتتالعان «نازار اۋدارىڭىز، بالالار!» كەڭ اۋقىمدى الەۋمەتتىك ءىس-شارانىڭ شەڭبەرىندە استانالىق جول- پاترۋلدىك پوليتسيا قىزمەتكەرلەرى جۇرگىزۋشىلەرگە ارناپ ءبىرقاتار الدىن الۋ شارالار جۇرگىزبەك.
«سىپايى جۇرگىزۋشى» اكسياسىن وتكىزۋ كەزىندە پوليتسەيلەر رەتتەلىنبەيتىن جولداردا جاياۋ جۇرگىنشىلەردى وتكىزىپ جىبەرەتىن، اۋلالار مەن جانارماي بەكەتتەرىنەن شىعىپ كەلە جاتقان كولىكتەردى وتكىزەتىن، جولداعى مادەنيەت پەن سىپايىلىققا باعىناتىن كولىك جۇرگىزۋشىلەرىن انىقتايدى. بۇل كۇنى سىپايى جۇرگىزۋشىلەرگە العىس ايتىلىپ، «سىپايى جۇرگىزۋشى» دەگەن جازۋى بار ستيكەردى يەلەنگەندەردىڭ اتى-جوندەرى «اۆتوراديو قازاقستان» رەسپۋبليكالىق راديوسىنىڭ تىكەلەي ەفيرىندە اتالادى.
وعان قوسا، ءىس-شارا ۇيىمداستىرۋشىلارى ساقتاندىرۋ كومپانيالارىنىڭ وكىلدەرىمەن بىرلەسە ەڭ اڭعارىمپاز ءارى سىپايى جۇرگىزۋشىلەرگە ارناپ سىيلىقتار جاساماق.
اكسيا بارىسىندا جاياۋ جۇرگىنشىلەر جولىندا ەرەجەنى بۇزعان جۇرگىزۋشىلەرگە، ايىپپۇل ورنىنا وزدەرىن «جاياۋ جۇرگىنشىلەردىڭ رولىندە سەزىنۋ» ءۇشىن ج ق ە بۇزعان رەتتەلمەيتىن جولدان ءوتۋدى ۇسىناتىن بولادى.
اكىمشىلىك پوليتسيا مالىمەتتەرى بويىنشا، استانادا ءاربىر ەكىنشى جول-كولىك وقيعاسى جاياۋ جۇرگىنشىلەردى قاعىپ كەتۋمەن بايلانىستى. اعىمداعى جىلى ج ك و سالدارىنان 250 جاياۋ جۇرگىنشى ءتۇرلى جاراقات السا، 14 ادام قازا تاپتى. 50 وقيعادا جاياۋ جۇرگىنشىلەر جولىندا اپات ورىن العان.
