20:02, 21 - قازان 2015 | GMT +5
كامبودجاداعى نۋ ورماننان جوعالعان قالا تابىلدى
استانا. قازاقپارات - اۆستراليالىق ارحەولوگتار قاشىقتىقتان زوندتاۋدىڭ زاماناۋي تەحنولوگيالارىنىڭ كومەگىمەن كامبودجادا 1200 جىلدىق قالانى تاپتى.
سيدنەي ۋنيۆەرسيتەتى جانىنداعى ارحەولوگيالىق عىلىمي-زەرتتەۋ ورتالىعىنىڭ ديرەكتورى داميان ەۆانس جانە ءبىر توپ عالىمدار سيەم ريپ وبلىسى اۋماعىندا جۇمىس ىستەپ جاتىر. ولار كامبودجانىڭ شالعايداعى نۋ ورماندارىندا ليدار لازەرلىك تەحنولوگياسىن پايدالانۋعا رۇقسات الدى.
«بۇل قۇرالدىڭ كومەگىمەن بۇرىن بىلمەگەن قالانىڭ سۋرەتىن كوردىك»، - دەدى ەۆانس.
ول پنوم كۋلەن تاۋىندا سالىنعان، كەيىن جوعالىپ كەتكەن ورتاعاسىرلىق ماحەندراپارۆات قالاسىن ىزدەۋ كەزىندە تابىلدى.
ليدار مالىمەتتەرىن پايدالانعان ارحەولوگتار توبى بۇرىن بەلگىسىز بولعان بەس عيباداتحانانىڭ قيراعان ءۇيىندىسىن، الىپ بۋددا ءمۇسىنىن، كونە كانالدار، جولدار، جۇزدەگەن ءدوڭدى تاپتى.
