19:21, 20 - قازان 2015 | GMT +5
حايۋاناتتار باعىندا دۇنيەگە كەلگەن جولبارىس كۇشىكتەرىن ءيت ەمىزىپ جاتىر
استانا. قازاقپارات - سوچيدەگى «وكتيابرسكيي» ساناتوريىنىڭ حايۋاناتتار باعىندا ءۇش ماۋلەن دۇنيەگە كەلدى، دەپ حابارلادى «ينتەرفاكس».
«جاڭا تۋعان جانۋارلاردىڭ سالماعى 1200-1300 گرامم. بۇلار - باتىر ەسىمدى جولبارىس جانە باگيرا ەسىمدى ولەكشىننىڭ كۇشىكتەرى»، - دەدى باسپا ءسوز قىزمەتىندە.
ازىرگە جاڭا تۋعان ماۋلەندەردى يزي ەسىمدى ءيت اسىراپ جاتىر. ويتكەنى ولەكشىن ابايسىزدان باسىپ كەتۋى مۇمكىن. يزي بۇعان قوسا ءوزىنىڭ ءتورت كۇشىگىن دە ەمىزۋدە. الايدا ماۋلەندەردى دە جاتىرقاماي قابىلدادى، دەپ اتاپ ءوتتى زووباق قىزمەتكەرلەرى.
