11:42, 24 - قازان 2015 | GMT +5
قاراقات ءابىلدينا بولاشاق جاردى قالاي تاڭداۋ كەرەكتىگىن ايتتى
استانا. قازاقپارات - ءانشى قاراقات ءابىلدينا بولاشاق جاردى قالاي تاڭداۋ كەرەكتىگى جايىندا anabol.kz سايتىندا پىكىرىن ءبىلدىردى.
قاراقات ءابىلدينا ۇيلەنۋ وڭاي، ءۇي بولۋ قيىن ەكەنىن مەڭزەي وتىرىپ، جاستاردى مۇنداي قادامعا بارماس بۇرىن سانالى شەشىم ەكەنىنە كوز جەتكىزىپ الۋعا شاقىرادى.
«كەز-كەلگەن قىز بالاسى جار تاڭداعاندا اكەسىنە ۇقساعانىن قالاپ تۇرادى. ول جاقسى. ال ەكەۋى دە ءبىر ماماندىق يەسى بولسا، تىپتەن كەرەمەت»، - دەيدى ءانشى ءوز وتباسىن ۇلگى ەتىپ.
قاراقات ءابىلدينا ءبىر سالادان جار تاڭداعاننىڭ جاقسى تۇستارى جايلى ايتا كەلىپ، قىدىرالى ەكەۋىنىڭ كەز كەلگەن ۋاقىتتا ءبىر-بىرىنە جاناشىر، تىلەكشى بولا الاتىنىن باسا ايتتى.
سونداي-اق، ءانشىنىڭ ويىنشا، جىگىتتىڭ شىققان تەگى، دەنساۋلىعى دا وتە ماڭىزدى. سەبەبى، بولاشاق ۇرپاعىڭنىڭ اقىلدى، دەنى ساۋ بولعانى ابزال.
