16:44, 21 - قازان 2015 | GMT +5
زەرگەرلىك دۇكەننىڭ كۇزەتشىسى ۇرىنى ءبىر وقپەن جايراتىپ سالدى
استانا. قازاقپارات - بۇگىن سانكت-پەتەربورداعى ۆاسيليەۆسكي ارالىندا قارۋلى توناۋ ورىن الدى. مىلتىعى بار ەر ادام ورتا داڭعىلداعى 8-ۇيدە ورنالاسقان «يۋۆەليرتورگكە» كىرىپ كەلدى.
ول ساتۋشىنى قورقىتىپ، ودان اقشا مەن زەرگەرلىك بۇيىمداردى تالاپ ەتكەن. ىزالى قىلمىسكەر ارتىنان ساۋدا ورنى كۇزەتشىسىنىڭ قالاي كەلگەنىن بايقاماي دا قالدى. سەكيۋريتي ونىڭ بارلىق ارەكەتىن بەينەباقىلاۋدان قاداعالاپ وتىرعان.
«فونتانكا» باسىلىمى جازعانداي، «كومكون» فيرماسىنىڭ كۇزەتشىسى ۇرىنى ءبىر وقپەن جايراتىپ سالعان. قازىر ودان تەرگەۋشىلەر جاۋاپ الۋدا.
